ಹೊಸ ವರ್ಷಾಚರಣೆ ಸಂಭ್ರಮ: ಉಚಿತ ಅಪ್ಪುಗೆ ಫಜೀತಿ ತಂದ ಯುವತಿ
Published 31 ಡಿಸೆಂಬರ್ 2022, 19:18 IST
ಬೆಂಗಳೂರು: ನಗರದಲ್ಲಿ ಹೊಸ ವರ್ಷಾಚರಣೆ ಸಂಭ್ರಮ ಮನೆ ಮಾಡಿದೆ. ಬ್ರಿಗೇಡ್ ರಸ್ತೆ, ಎಂ.ಜಿ.ರಸ್ತೆ, ಚರ್ಚ್‌ಸ್ಟ್ರೀಟ್, ಕೋರಮಂಗಲ, ವೈಟ್‌ಫೀಲ್ಡ್‌ ಹಾಗೂ ಇತರೆಡೆ ಹೊಸ ವರ್ಷ ಸ್ವಾಗತಕ್ಕೆ ಜನರು ಉತ್ಸುಹಕರಾಗಿದ್ದಾರೆ.
ಬ್ರಿಗೇಡ್ ರಸ್ತೆಯಲ್ಲಿ ಶನಿವಾರ ನಿಂತುಕೊಂಡಿದ್ದ ಯುವತಿಯೊಬ್ಬರು, ‘ಉಚಿತ ಅಪ್ಪುಗೆ’ ಫಲಕ ಹಿಡಿದುಕೊಂಡು ಗಮನ ಸೆಳೆದರು.
ತಮ್ಮನ್ನು ಉಚಿತವಾಗಿ ಅಪ್ಪಿಕೊಳ್ಳಬಹುದೆಂದು ಯುವಕ–ಯುವತಿಯರಿಗೆ ಆಹ್ವಾನ ನೀಡುತ್ತಿದ್ದರು. ಫಲಕ ನೋಡಿದ ಯುವಕ–ಯುವತಿಯರು ಒಬ್ಬೊಬ್ಬರಾಗಿ ಅಪ್ಪುಗೆ ನೀಡಲಾರಂಭಿಸಿದ್ದರು.
ಸ್ಥಳಕ್ಕೆ ಬಂದ ಪೊಲೀಸರು, ಸರದಿಯಲ್ಲಿ ನಿಂತಿದ್ದ ಯುವಕ– ಯುವತಿಯರನ್ನು ಚದುರಿಸಿದರು. ಫಲಕ ಹಿಡಿದಿದ್ದ ಯುವತಿಗೂ ಬುದ್ದಿವಾದ ಹೇಳಿ, ಸ್ಥಳದಿಂದ ಕಳುಹಿಸಿದರು. ಯುವತಿ, ಸ್ನೇಹಿತರ ಜೊತೆ ಬ್ರಿಗೇಡ್ ರಸ್ತೆಗೆ ಬಂದಿದ್ದರು. ಇವರ ಹೆಸರು ಗೊತ್ತಾಗಿಲ್ಲ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.