ಬೆಂಗಳೂರು: ರಾಘವೇಂದ್ರ ಮಠದ ಆವರಣಕ್ಕೆ ಚಪ್ಪಲಿ ಎಸೆತ

ಬೆಂಗಳೂರು: ಇಂದಿರಾನಗರದ ರಾಘವೇಂದ್ರ ಮಠದ ಆವರಣಕ್ಕೆ ಯುವತಿಯೊಬ್ಬಳು ಚಪ್ಪಲಿ ಹಾಕಿ ಹೋಗಿರುವ ವಿಡಿಯೊ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಭಾನುವಾರ ಮುಂಜಾನೆ 5.30ಕ್ಕೆ ಇಂದಿರಾನಗರ ಮೆಟ್ರೊ ನಿಲ್ದಾಣ ಸಮೀಪದಲ್ಲಿರುವ ರಾಘವೇಂದ್ರ ಮಠದ ಬಳಿ ಬಂದ ಯುವತಿ, ಅಲ್ಲೆ ಬಿದ್ದಿದ್ದ ಚಪ್ಪಲಿಯೊಂದನ್ನು ತೆಗೆದು ಕಿಟಕಿ ಮೂಲಕ ಮಠದ ಸಭಾಂಗಣಕ್ಕೆ ಎಸೆದಿದ್ದಾಳೆ. ಯುವತಿಯ ಕೃತ್ಯ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಈ ಸಂಬಂಧ ಮಠದ ಅಧಿಕಾರಿಗಳು ಇಂದಿರಾನಗರ ಪೊಲೀಸರಿಗೆ ದೂರು ನೀಡಿದ್ದು, ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.