ವಿದ್ಯಾರ್ಥಿನಿಗೆ ಕಿರಿಯ ಕವಯಿತ್ರಿ ಗರಿ

ಬೆಂಗಳೂರು: ನಗರದ ಬಿಷಪ್‌ ಕಾಟನ್‌ ಬಾಲಕಿಯರ ಶಾಲೆಯ 8ನೇ ತರಗತಿ ವಿದ್ಯಾರ್ಥಿನಿ ಅಮಾನಾ ಅತಿ ಕಿರಿಯ ಕವಯಿತ್ರಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದು, ‘ಇಂಡಿಯಾ ಬುಕ್‌ ಆಫ್‌ ರೆಕಾರ್ಡ್ಸ್‌’ ಮತ್ತು ’ಏಷ್ಯಾ ಬುಕ್‌ ಆಫ್‌ ರೆಕಾರ್ಡ್ಸ್‌’ ನಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.

ಅಮಾನಾ ಬರೆದಿದ್ದ 61 ಕವನಗಳ ಪುಸ್ತಕವನ್ನು 2020ರ ನವೆಂಬರ್‌ನಲ್ಲಿ ಸಪ್ನಾ ಬುಕ್‌ಹೌಸ್ ಪ್ರಕಟಿಸಿತ್ತು. ಆಗ, ಅಮಾನಾಗೆ 12 ವರ್ಷ, 5 ತಿಂಗಳು ಮತ್ತು 10 ದಿನಗಳಾಗಿತ್ತು. ಈ ಕೃತಿಯನ್ನು ಪರಿಗಣಿಸಿ, ಅತಿಕಿರಿಯ ಕವಯಿತ್ರಿ ಎಂಬ ಗರಿಮೆಯನ್ನು ಅಮಾನಾಗೆ ನೀಡಲಾಗಿದೆ.

ಇಂಗ್ಲಿಷ್ ಮತ್ತು ಹಿಂದಿಯಲ್ಲಿ ಈವರೆಗೆ 275 ಕವನಗಳನ್ನು ವಿದ್ಯಾರ್ಥಿನಿ ರಚಿಸಿದ್ದಾರೆ.