ಪ್ರೇಮಿಗಳ ದಿನ: 273 ಟನ್‌ ಗುಲಾಬಿ ರಫ್ತು

ಬೆಂಗಳೂರು: ಪ್ರೇಮಿಗಳ ದಿನದ ಅವಧಿಯಲ್ಲಿ ಬೆಂಗಳೂರಿನ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ವಿವಿಧೆಡೆಗೆ ಒಟ್ಟು 273 ಟನ್‌ ಗುಲಾಬಿ ಹೂವುಗಳನ್ನು ರಫ್ತು ಮಾಡಲಾಗಿದೆ.

‘ಸಿಂಗಪುರ, ಲಂಡನ್‌, ದುಬೈ, ಕುವೈತ್‌, ಕ್ವಾಲಾಲಂಪುರ, ಆಕ್ಲೆಂಡ್‌, ಮನಿಲಾ ಹಾಗೂ ಇತರೆಡೆಗೆ 170 ಟನ್‌, ಕೋಲ್ಕತ್ತ, ನವದೆಹಲಿ, ಚಂಡೀಗಡ, ಮುಂಬೈ, ಜೈಪುರ, ಅಹಮದಾಬಾದ್‌, ಚೆನ್ನೈ ಸೇರಿದಂತೆ ಇತರ ನಗರಗಳಿಗೆ 103 ಟನ್‌ ಹೂವು ರಫ್ತು ಮಾಡಲಾಗಿದೆ’ ಎಂದು ವಿಮಾನ ನಿಲ್ದಾಣದ ಪ್ರಕಟಣೆ ತಿಳಿಸಿದೆ.