ಬಸವಕಲ್ಯಾಣ | ಮಳೆಹಾನಿ ಪರಿಹಾರಕ್ಕೆ ಆಗ್ರಹಿಸಿ ಮನವಿ

ಬಸವಕಲ್ಯಾಣ: ತಾಲ್ಲೂಕಿನ ಲಾಡವಂತಿ ಗ್ರಾಮದ ವ್ಯಾಪ್ತಿಯಲ್ಲಿ ಸೋಮವಾರ ರಾತ್ರಿ ಸುರಿದ ಭಾರಿ ಮಳೆಯಿಂದಾದ ಹಾನಿಗೆ ಪರಿಹಾರ ಒದಗಿಸಲು ಆಗ್ರಹಿಸಿ ಗುರುವಾರ ತಹಶೀಲ್ದಾರ್ ದತ್ತಾತ್ರೇಯ ಜೆ.ಗಾದಾ ಅವರಿಗೆ ರೈತರು ಮನವಿಪತ್ರ ಸಲ್ಲಿಸಿದರು.

ಗ್ರಾಮದ ನಾಲೆಗಳು ಉಕ್ಕಿ ಹರಿದಿದ್ದರಿಂದ ಅವುಗಳ ಪಕ್ಕದ ಜಮೀನುಗಳಲ್ಲಿ ನೀರು ನುಗ್ಗಿ 200 ಎಕರೆ ಸೋಯಾ ಅವರೆ ಮತ್ತು ತೊಗರಿ ಕೊಚ್ಚಿಕೊಂಡು ಹೋಗಿದೆ. 50 ಎಕರೆಯಷ್ಟು ತರಕಾರಿ ಮತ್ತು ತೋಟಗಾರಿಕೆ ಬೆಳೆಗಳು ಹಾಳಾಗಿವೆ. ಶೀಘ್ರ ಸ್ಥಳಕ್ಕೆ ಬಂದು ಪರಿಶೀಲಿಸಿ ಪರಿಹಾರ ಧನ ಒದಗಿಸಬೇಕು ಎಂದು ಕೇಳಿಕೊಳ್ಳಲಾಯಿತು.

ಮುಖಂಡರಾದ ಮೇಘನಾಥ ಕಾರಭಾರಿ, ವಿಲಾಸ ತರಮೂಡೆ, ಧನರಾಜ ಫಡೆ, ಗ್ರಾಮ ಪಂಚಾಯಿತಿ ಅಧ್ಯಕ್ಷ ಕೃಷ್ಣಾ ತರಮೂಡೆ, ಗೋಪಾಳ ಪಾಟೀಲ, ಲಖನ್ ಬೈನಾಕೆ, ಸೈಯದ್ ಇಸಾಕಲಿ, ಗುರುಶಾಂತ ಢವಳೆ, ನೂರುದ್ದೀನ್ ಶಹಾ, ಮಾಣಿಕ ಸಂಗೋಳಗೆ ಮತ್ತಿತರರು ಉಪಸ್ಥಿತರಿದ್ದರು.