ಔರಾದ್ | ಆಟೊ ಡಿಕ್ಕಿ: ವ್ಯಕ್ತಿ ಸಾವು

ಔರಾದ್: ಬೀದರ್-ನಾಂದೇಡ್ ಮುಖ್ಯ ರಸ್ತೆ ವನಮಾರಪಳ್ಳಿ ಬಳಿ ಆಟೊ ಡಿಕ್ಕಿ ಹೊಡೆದು ವ್ಯಕ್ತಿಯೊಬ್ಬರು ಮೃತಪಟ್ಟಿದ್ದಾರೆ.

ಮೃತರು ಇಟಗ್ಯಾಳ ಗ್ರಾಮದ ರಾಮ (39) ಎಂದು ಗುರುತಿಸಲಾಗಿದೆ. ಡಿ. 17ರಂದು ಈ ಘಟನೆ ನಡೆದಿದೆ.

ಮೃತರ ಪತ್ನಿ ಚಂದ್ರಕಲಾ ಪೊಲೀಸರಿಗೆ ದೂರು ನೀಡಿದ್ದು, ’ವನಮಾರಪಳ್ಳಿ ಬಳಿ ನನ್ನ ಗಂಡ ನಡೆದುಕೊಂಡು ಹೋಗುವಾಗ ಆಟೊ ಡಿಕ್ಕಿ ಹೊಡೆದು ಮೃತಪಟ್ಟಿದ್ದಾರೆ’ ಎಂದು ತಿಳಿಸಿದ್ದಾರೆ. ಈ ಕುರಿತು ಸೋಮವಾರ ಔರಾದ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.