ನಾಳೆಯಿಂದ ಬೀದರ್-ಯಶವಂತಪುರ ರೈಲು ಪುನರಾರಂಭ

ಬೀದರ್: ಬೀದರ್-ಯಶವಂತಪುರ ರೈಲು ಸೇವೆ ಮಂಗಳವಾರ (ನ.17) ದಿಂದ ಪುನರಾರಂಭವಾಗಲಿದೆ ಎಂದು ಸಂಸದ ಭಗವಂತ ಖೂಬಾ ತಿಳಿಸಿದ್ದಾರೆ.

ರೈಲ್ವೆ ಸಚಿವ ಪಿಯುಷ್ ಗೋಯಲ್ ಅವರಿಗೆ ತಾವು ಮಾಡಿದ ಮನವಿ ಹಿನ್ನೆಲೆಯಲ್ಲಿ 17 ರಂದು ಯಶವಂತಪುರ- ಬೀದರ್ (ಸಂಖ್ಯೆ 06271) ಹಾಗೂ 18 ರಂದು ಬೀದರ್-ಯಶವಂತಪುರ (ವಾರಕ್ಕೆ ನಾಲ್ಕು ದಿನ) ರೈಲು (ಸಂಖ್ಯೆ 06272) ಸಂಚಾರ ಶುರುವಾಗಲಿದೆ.

06583 ಯಶವಂತಪುರ-ಲಾತೂರ್ ವಯಾ ಬೀದರ್ ಹಾಗೂ 06584 ಬೀದರ್ ಯಶವಂತಪುರ ವಯಾ ಬೀದರ್ (ವಾರಕ್ಕೆ ಮೂರು ದಿನ) ರೈಲು ಓಡಲಿದೆ. ಈ ಮೂಲಕ ರೈಲು ಇಡೀ ವಾರ ಮೊದಲಿನ ಸಮಯದಂತೆ ಸಂಚರಿಸಲಿದೆ ಎಂದು ತಿಳಿಸಿದ್ದಾರೆ.