ಸಿಡಿಲು ಬಡಿದು ವ್ಯಕ್ತಿ ಸಾವು: ₹5 ಲಕ್ಷ ಪರಿಹಾರ ವಿತರಣೆ

ಔರಾದ್: ಕಳೆದ ಮಂಗಳವಾರ ಸಿಡಿಲು ಬಡಿದು ಮೃತಪಟ್ಟ ತಾಲ್ಲೂಕಿನ ಕಿಶನ ನಾಯಕ ತಾಂಡಾದ ಭಿಲ್ಲು ಜಾಧವ ಅವರ ಕುಟುಂಬಸ್ಥರಿಗೆ ₹5 ಲಕ್ಷ ಪರಿಹಾರದ ಚೆಕ್ ನೀಡಲಾಯಿತು.

ಸಚಿವ ಪ್ರಭು ಚವಾಣ್ ಬುಧವಾರ ಮೃತರ ಮನೆಗೆ ಭೇಟಿ ನೀಡಿ ಸಾಂತ್ವನ ಹೇಳಿದರು. ಮೃತ ಕುಟುಂಬಕ್ಕೆ ತಕ್ಷಣ ಪರಿಹಾರ ಸಿಗಬೇಕು ಎಂದು ಅಧಿಕಾರಿಗಳಿಗೆ ಸಚಿವರು ನಿರ್ದೇಶನ ನೀಡಿದ್ದರು. 24 ಗಂಟೆಯಲ್ಲೇ ಪರಿಹಾರ ಕೊಟ್ಟ ಅಧಿಕಾರಿಗಳು ಸಚಿವರ ಮೆಚ್ಚುಗೆಗೆ ಪಾತ್ರರಾದರು.

ತಹಶೀಲ್ದಾರ್ ಅರುಣಕುಮಾರ ಕುಲಕರ್ಣಿ, ಮುಖಂಡ ರಾಮಶೆಟ್ಟಿ ಪನ್ನಾಳೆ, ಗಿರೀಶ್ ಒಡೆಯರ್, ಗೋವಿಂದರಾಜು ಪಾಟೀಲ್, ಹಣಮಂತ ಸುರನಾರ, ಗೌತಮ ತಾಂದಳೆ, ಹಿರಾಮನ್, ಲಕ್ಷ್ಮಣರಾವ ಜಾಧವ ಉಪಸ್ಥಿತರಿದ್ದರು.