ಬೀದರ್: ಸತತ ಮಳೆಗೆ ಜನಜೀವನ ಅಸ್ತವ್ಯಸ್ತ

ಬೀದರ್: ಗುರುವಾರವೂ ಜಿಲ್ಲೆಯಾದ್ಯಂತ ಮಳೆ ಮುಂದುವರಿದಿದ್ದು, ಜನಜೀವನ ಸಂಪೂರ್ಣ ಅಸ್ತವ್ಯಸ್ತಗೊಂಡಿದೆ.

ಬುಧವಾರ ದಿನವಿಡೀ‌ ಜಿಟಿಜಿಟಿ ಮಳೆಯಾಗಿತ್ತು. ರಾತ್ರಿ ಕೆಲಸಮಯ ಜೋರಾಗಿ‌ ಸುರಿದಿತ್ತು. ಗುರುವಾರ ಬೆಳಕು ಹರಿಯುತ್ತಿದ್ದಂತೆ ಜಿಟಿಜಿಟಿಯಾಗಿ‌ ಸುರಿದ‌ ಮಳೆ ಬಿರುಸಾಗಿ‌ದೆ.

ಶಾಲಾ-ಕಾಲೇಜು,‌ದೈನಂದಿನ ಕೆಲಸಗಳಿಗೆ ಹೋಗುವವರು‌ ಸಮಸ್ಯೆ ಎದುರಿಸಿದರು. ಹಾಲು, ದಿನಪತ್ರಿಕೆ‌ ಸಕಾಲಕ್ಕೆ‌ ಪೂರೈಸಲು ತೊಡಕಾಯಿತು.

ಕಳೆದ ಒಂದು ವಾರದಿಂದ ಬಿಡುವು ಕೊಟ್ಟಿದ್ದ ಮಳೆ ಜಿಲ್ಲೆಯಾದ್ಯಂತ ಪುನಃ ಚುರುಕು ಪಡೆದಿದ್ದು, ಉದ್ದು, ಹೆಸರಿನ ರಾಶಿಗೆ ಮತ್ತೆ ಹಿನ್ನಡೆ ಉಂಟಾಗಿದೆ.