ಲೈಂಗಿಕ ಅಲ್ಪಸಂಖ್ಯಾತರಿಗೆ ಗುರುತಿನ ಚೀಟಿ

ಬೀದರ್: ಲೈಂಗಿಕ ಅಲ್ಪಸಂಖ್ಯಾತರಿಗೆ ಗುರುತಿನ ಚೀಟಿ ವಿತರಣೆಗೆ ಜಿಲ್ಲಾಧಿಕಾರಿ ರಾಮಚಂದ್ರನ್ ಆರ್ ನಗರದಲ್ಲಿ ಚಾಲನೆ ನೀಡಿದರು.

ಹನುಮಂತು ಅಲಿಯಾಸ್ ಶಶಿಕಲಾ ಹಾಗೂ ಭೀಮು ಅಲಿಯಾಸ್ ಭೂಮಿಕಾ ಅವರಿಗೆ ಸಾಂಕೇತಿಕವಾಗಿ ಗುರುತಿನ ಚೀಟಿ ವಿತರಣೆ ಮಾಡಿದರು.

ಆನ್‍ಲೈನ್‍ನಲ್ಲಿ ಲೈಂಗಿಕ ಅಲ್ಪಸಂಖ್ಯಾತರ ಗುರುತಿನ ಚೀಟಿ ಅರ್ಜಿ ನಮೂನೆಗಳು ದೊರೆಯುತ್ತವೆ. ಅರ್ಜಿ ನಮೂನೆ ಭರ್ತಿ ಮಾಡಿ ತಾಲ್ಲೂಕು ಮಟ್ಟದ ಸಮಿತಿಗೆ ನೀಡಬೇಕು. ಜಿಲ್ಲಾಮಟ್ಟದ ಸಮಿತಿ ಅರ್ಜಿಗಳನ್ನು ಪರಿಶೀಲಿಸಿ, ಅರ್ಹರಿಗೆ ಗುರುತಿನ ಚೀಟಿ ಕೊಡಲಿದೆ ಎಂದು ತಿಳಿಸಿದರು.

ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪ ನಿರ್ದೇಶಕ ರತ್ನಾಕರ, ನಿರೀಕ್ಷಕಿ ಯಲ್ಲಬ್ಬ ಬಿ, ಮಹಿಳಾ ಶಕ್ತಿ ಕೇಂದ್ರದ ಗೀತಾಂಜಲಿ, ಶಾರದಾ, ಜಿಲ್ಲಾಧಿಕಾರಿ ಕಚೇರಿಯ ಸತೀಶ ವಾಲೆ, ಅಮರ ರಾಸೂರೆ ಇದ್ದರು.