‘ಮುಗಿಲ ಮರೆಯ ಮಿಂಚು’ ಕೃತಿ ಬಿಡುಗಡೆ

ಭಾಲ್ಕಿ: ‘ಗಡಿ ಭಾಗದ ಸಾಹಿತ್ಯ ಕ್ಷೇತ್ರದ ಬೆಳವಣಿಗೆಯಲ್ಲಿ ಹಿರಿಯ ಸಾಹಿತಿ ವೀರಶೆಟ್ಟಿ ಬಾವುಗೆ ಅವರ ಕೊಡುಗೆ ಅಪಾರವಾಗಿದೆ’ ಎಂದು ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತು ಅಧ್ಯಕ್ಷ ಶಶಿಧರ ಕೋಸಂಬೆ ಹೇಳಿದರು.

ಪಟ್ಟಣದ ವೀರಶೆಟ್ಟಿ ಬಾವುಗೆ ನಿವಾಸದಲ್ಲಿ ಬಾವುಗೆ ಅವರು ರಚಿಸಿದ ‘ಮುಗಿಲ ಮರೆಯ ಮಿಂಚು’ ಕೃತಿ ಬಿಡುಗಡೆಗೊಳಿಸಿ ಮಾತನಾಡಿದರು.

‘ಬಾವುಗೆ ಅವರು ವೃತ್ತಿಯಲ್ಲಿ ಶಿಕ್ಷಕರಾಗಿದ್ದುಕೊಂಡು ಕನ್ನಡ ನಾಡು, ನುಡಿಯ ಸೇವೆ ಜತೆಗೆ ಹವ್ಯಾಸಿ ಬರಹಗಾರರಾಗಿ ಸಾಹಿತ್ಯ ಕ್ಷೇತ್ರಕ್ಕೆ ಹಲವು ಕೃತಿಗಳನ್ನು ಕೊಡುಗೆಯಾಗಿ ನೀಡಿದ್ದಾರೆ. ಸಾಹಿತ್ಯ ಕ್ಷೇತ್ರಕ್ಕೆ ಬಾವುಗೆ ಅವರ ಅನುಭವದಿಂದ ಇನ್ನಷ್ಟು ಮೇರು ಕೃತಿಗಳು ಹೊರ ಬರಲಿ’ ಎಂದರು.

ಕಸಾಪ ಗೌರವ ಕಾರ್ಯದರ್ಶಿ ಹಣಮಂತ ಕಾರಾಮುಂಗೆ, ಸಂಘಟನಾ ಕಾರ್ಯದರ್ಶಿ ಸಂಗಮೇಶ ಮದಕಟ್ಟಿ, ನಗರ ಘಟಕದ ಅಧ್ಯಕ್ಷ ಸಂತೋಷ ಬಿಜಿ ಪಾಟೀಲ, ಖಟಕಚಿಂಚೋಳಿ ವಲಯ ಘಟಕದ ಅಧ್ಯಕ್ಷ ರಾಜಕುಮಾರ ಬಿರಾದಾರ, ಪ್ರಭು ಡಿಗ್ಗೆ, ಸಿದ್ದು ತುಗಶೆಟ್ಟೆ, ಗಿರಿರಾಜ ವಾಲೆ ಇದ್ದರು.