ಬೀದರ್‌: ಬಿಜೆಪಿಯಿಂದ ಪಾಪನಾಶದಲ್ಲಿ ಭೂಮಿಪೂಜೆ

ಬೀದರ್‌: ನವದೆಹಲಿಯಲ್ಲಿ ನಿರ್ಮಿಸುತ್ತಿರುವ ‘ಕರ್ತವ್ಯ ಪಥ್‌’ಗೆ ದೇಶದ ವಿವಿಧ ಕಡೆಗಳಿಂದ ಮಣ್ಣು ಸಂಗ್ರಹಿಸಿ ಕಳಿಸಿಕೊಡಲು ಹಮ್ಮಿಕೊಂಡಿರುವ ‘ನನ್ನ ಮಣ್ಣು, ನನ್ನ ದೇಶ’ ಕಾರ್ಯಕ್ರಮ ನಗರದ ಪಾಪನಾಶದಲ್ಲಿ ಶನಿವಾರ ನಡೆಯಿತು.

ಪಾಪನಾಶ ಶಿವಲಿಂಗ ದೇವಸ್ಥಾನದ ಪರಿಸರದಲ್ಲಿ ಭೂಮಿಗೆ ಪೂಜೆ ನೆರವೇರಿಸಿ, ಮಣ್ಣು ಸಂಗ್ರಹಿಸಲಾಯಿತು. ಬಿಜೆಪಿ ಜಿಲ್ಲಾ ಅಧ್ಯಕ್ಷ ಶಿವಾನಂದ ಮಂಠಾಳಕರ, ವಿಭಾಗ ಸಹ ಸಂಘಟನಾ ಪ್ರಧಾನ ಕಾರ್ಯದರ್ಶಿ ಸೂರ್ಯಕಾಂತ ಧೋನಿ, ಕಲಬುರಗಿ ವಿಭಾಗ ಸಹ ಪ್ರಭಾರಿ ಈಶ್ವರ ಸಿಂಗ್ ಠಾಕೂರ, ಹಿರಿಯ ಮುಖಂಡ ಬಾಬು ವಾಲಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ವಿಜಯಕುಮಾರ ಎಸ್. ಪಾಟೀಲ, ನಗರ ಘಟಕದ ಅಧ್ಯಕ್ಷ ಶಶಿ ಹೊಸಳ್ಳಿ, ರಾಜೇಂದ್ರ ಪೂಜಾರಿ, ರಾಜು ಚಿದ್ರಿ, ಮಹೇಶ್ವರ ಸ್ವಾಮಿ ಇತರರು ಹಾಜರಿದ್ದರು.