ಬಸವ ಬಳಗದಿಂದ ಬಸವೇಶ್ವರ ಜಯಂತಿ

ಸಂತೇಮರಹಳ್ಳಿ: ಗ್ರಾಮದ ಬಸವ ಬಳಗದಿಂದ ಬಸವೇಶ್ವರ ಜಯಂತಿಯನ್ನು ಈಚೆಗೆ ಆಚರಿಸಲಾಯಿತು.

ಬಸವೇಶ್ವರ ಭಾವಚಿತ್ರಕ್ಕೆ ಗ್ರಾಮಸ್ಥರು ಪುಷ್ಪಾರ್ಚನೆ ಮಾಡಿದರು. ಈ ಸಂದರ್ಭದಲ್ಲಿ ಮುಖಂಡ ಮಹದೇವಪ್ರಸಾದ್ ಮಾತನಾಡಿ, ‘ಬಸವಣ್ಣನವರು ಸರಳವಾದ ವಚನಗಳ ಮೂಲಕ ಜನ ಸಾಮಾನ್ಯರಿಗೆ ಅರ್ಥವಾಗುವ ರೀತಿಯಲ್ಲಿ ಸಮಾಜವನ್ನು ಬದಲಾಯಿಸಿದ ಮಹಾನ್ ವ್ಯಕ್ತಿ. 12ನೇ ಶತಮಾನದಲ್ಲಿ ಇವರ ವಚನ ಹಾಗೂ ಸಾಮಾಜಿಕ ಕ್ರಾಂತಿ ಇಂದಿಗೂ ಪರಿಣಾಮ ಬೀರುತ್ತಿದೆ. ಈ ಹಿನ್ನೆಲೆಯಲ್ಲಿ ಇವರ ತತ್ವ ಆದರ್ಶಗಳು ಇಂದಿನ ಸಮಾಜಕ್ಕೆ ದಾರಿ ದೀಪವಾಗಬೇಕು’ ಎಂದು ತಿಳಿಸಿದರು.‌

ಮುಖಂಡರಾದ ನಂಜುಂಡಸ್ವಾಮಿ, ಪರಶಿವಮೂರ್ತಿ, ಗುರುಪಾದಸ್ವಾಮಿ ಪಟೇಲ್, ಎಂ.ಮಂಜು ಹಾಜರಿದ್ದರು.