ಸೂರ್ಯನ ಸುತ್ತ ಉಂಗುರ: ಆಗಸದಲ್ಲಿ ಕೌತುಕದ ವಿದ್ಯಮಾನ

ಚಾಮರಾಜನಗರ: ನಗರ ಸೇರಿದಂತೆ ಜಿಲ್ಲೆಯ ವಿವಿಧ ಕಡೆ ಬುಧವಾರ ಆಗಸದಲ್ಲಿ ಸೂರ್ಯನ ಸುತ್ತ ವೃತ್ತಾಕಾರದ ರಚನೆ ಗೋಚರಿಸಿದೆ.

ಅಪರೂಪದ ವಿದ್ಯಮಾನ ಜನರಲ್ಲಿ ಕುತೂಹಲ ಮೂಡಿಸಿತು. ಬೆಳಿಗ್ಗೆ 11 ಗಂಟೆಯ ನಂತರ ಈ ಉಂಗುರ ಗೋಚರಿಸಿದೆ. ಹಲವರು ಮೊಬೈಲ್, ಕ್ಯಾಮೆರಾದಲ್ಲೂ ವಿದ್ಯಮಾನವನ್ನು ಸೆರೆ ಹಿಡಿದಿದ್ದಾರೆ.

ಕಾರಣ ಏನು?

ಸೂರ್ಯನ ಸುತ್ತಲೂ ಆವರಿಸಿರುವ ಮೋಡದಲ್ಲಿರುವ ಮಂಜುಗಡ್ಡೆ ಕಣಗಳ ಮೇಲೆ ಬೆಳಕು ಬಿದ್ದು ವಕ್ರೀಭವನಗೊಂಡಾಗ ವೃತ್ತ ಗೋಚರಿಸುತ್ತದೆ.