ಇರಾನ್‌ನಿಂದ ಅಲೀಪುರಕ್ಕೆ ಬಂದ 105 ಮಂದಿ

ಗೌರಿಬಿದನೂರು: ಯುದ್ಧ ಪೀಡಿತ ಇರಾನ್‌ನಲ್ಲಿದ್ದ ತಾಲ್ಲೂಕಿನ ಅಲೀಪುರದ 105 ಮಂದಿ ಸ್ವಗ್ರಾಮಕ್ಕೆ ಮರಳಿದ್ದಾರೆ.

ಇರಾನ್ ರಾಜಧಾನಿ ಟೆಹರಾನ್, ಕುಮ್, ಮಶಾದ್ ಸೇರಿದಂತೆ ವಿವಿಧ ನಗರಗಳಲ್ಲಿ ವಿದ್ಯಾಭ್ಯಾಸ, ಯಾತ್ರೆ, ವ್ಯಾಪಾರಕ್ಕೆ ಅಲೀಪುರ ಜನರು ತೆರಳಿದ್ದರು. 

ಭಾರತ ಸರ್ಕಾರ ಈ ನಾಗರಿಕರನ್ನು ಸುರಕ್ಷಿತವಾಗಿ ಕರೆತರುವ ಕೆಲಸ ಪ್ರಾರಂಭಿಸಿತ್ತು. ಈ ಭಾಗವಾಗಿ ನಾಲ್ಕು ವಿಮಾನಗಳಲ್ಲಿ ಒಟ್ಟು 105 ಮಂದಿ ಸುರಕ್ಷಿತವಾಗಿ ಅಲೀಪುರಕ್ಕೆ ಬಂದು ತಲುಪಿದ್ದಾರೆ.

ಅರಬಿಕ್ ಶಿಕ್ಷಣ ಪಡೆಯಲು ಕುಮ್ ನಗರದಲ್ಲಿದ್ದ ಹಲವರನ್ನು ಇರಾನ್ ಸರ್ಕಾರ ಬಿಗಿ ಭದ್ರತೆಯೊಂದಿಗೆ ಕುಮ್ ನಗರದಿಂದ 60 ಗಂಟೆಗಳ ಬಸ್ ಪ್ರಯಾಣದ ನಂತರ ಮಶಾದ್ ನಗರಕ್ಕೆ ತಲುಪಿಸಿತ್ತು.