ಮುದುಗೆರೆಯಲ್ಲಿ ಸ್ವರ್ಗದ ಬಾಗಿಲು ದರ್ಶನ

ಗೌರಿಬಿದನೂರು: ತಾಲ್ಲೂಕಿನ ಹೊಸೂರು ‌ಹೋಬಳಿಯ ಮುದುಗೆರೆ ಗ್ರಾಮದ ಲಕ್ಷ್ಮಿ ಚನ್ನಕೇಶವ ದೇವಾಲಯದಲ್ಲಿ‌ ಜ. 14ರಂದು ಸಂಕ್ರಾಂತಿ ಹಾಗೂ ಉತ್ತರಾಯಣ ಪುಣ್ಯಕಾಲದ ಅಂಗವಾಗಿ ಬೆಳಿಗ್ಗೆ 11ರಿಂದ ಮಧ್ಯಾಹ್ನ 3ರವರೆಗೆ ದೇವಸ್ಥಾನದ ಸ್ವರ್ಗದ ಬಾಗಿಲನ್ನು‌ ತೆರೆಯಲಾಗುವುದು.

ಆ ಸಂದರ್ಭದಲ್ಲಿ ಸೂರ್ಯನ ಕಿರಣಗಳು‌ ನೇರವಾಗಿ ಗರ್ಭ ಗುಡಿಯಲ್ಲಿನ ದೇವರ ಪಾದಗಳ‌ ಮೇಲೆ ಬೀಳಲಿವೆ. ಆ ದೃಶ್ಯವನ್ನು ಕಣ್ತುಂಬಿಕೊಳ್ಳಲು ನೂರಾರು‌ ಭಕ್ತರು ಬರುತ್ತಾರೆ. ಇದರ ಅಂಗವಾಗಿ ಬೆಳಿಗ್ಗೆಯಿಂದಲೇ ದೇವಾಲಯದಲ್ಲಿ ವಿಶೇಷ ಪೂಜಾ ಕೈಂಕಾರ್ಯಗಳನ್ನು ನೆರವೇರಿಸಲಾಗುವುದು. ಪ್ರತಿ ವರ್ಷಕ್ಕೊಮ್ಮೆ ತೆರೆಯುವ ಈ ಬಾಗಿಲಿನಲ್ಲಿ ದೇವರ ದರ್ಶನ ಮಾಡಲು ಭಕ್ತರು ಕಾತರದಿಂದ ದೇವಾಲಯಕ್ಕೆ ಬರುತ್ತಾರೆ ಎಂದು ದೇವಾಲಯದ ಅರ್ಚಕರು ತಿಳಿಸಿದರು.