SSLC Result 2022 | ಚಿಕ್ಕಮಗಳೂರು ಜಿಲ್ಲೆಯ 6 ವಿದ್ಯಾರ್ಥಿಗಳಿಗೆ 625 ಅಂಕ

ಚಿಕ್ಕಮಗಳೂರು: ಎಸ್ಸೆಸ್ಸೆಲ್ಸಿ ಪರೀಕ್ಷೆ ಫಲಿತಾಂಶ ಪ್ರಕಟವಾಗಿದ್ದು, ಜಿಲ್ಲೆಯ ಆರು ವಿದ್ಯಾರ್ಥಿಗಳು 625ಕ್ಕೆ 625 ಅಂಕ ಗಳಿಸಿದ್ದಾರೆ.

ಆರೂ ಮಂದಿ ಆಂಗ್ಲ ಮಾಧ್ಯಮ ವಿದ್ಯಾರ್ಥಿಗಳು. ನಗರದ ಸೇಂಟ್‌ ಮೇರಿಸ್‌ ಪ್ರೌಢಶಾಲೆಯ ಆರ್‌.ಸುಚರಿತಾ, ಚಿಕ್ಕಮಗಳೂರು ತಾಲ್ಲೂಕಿನ ಆಲ್ದೂರಿನ ಪೂರ್ಣಪ್ರಜ್ಞಾ ಆಂಗ್ಲ ಮಾಧ್ಯಮ ಶಾಲೆಯ ಚರಿತಾ ಎಂ.ಗೌಡ, ಕೊಪ್ಪ ತಾಲ್ಲೂಕಿನ ಸರ್ಕಾರಿ ಪ್ರೌಢಶಾಲೆಯ ಎಸ್‌.ಎಸ್‌.ಆಕೃತಿ, ಹುಲುಮಕ್ಕಿಯ ವಿ.ವಿ ಆಂಗ್ಲ ಮಾಧ್ಯಮ ಶಾಲೆಯ ಎಚ್‌.ಡಿ.ಜಾಹ್ನವಿ, ಶೃಂಗೇರಿ ತಾಲ್ಲೂಕಿನ ದರ್ಶಿನಿ ಪ್ರೌಢಶಾಲೆಯ ಎಚ್‌.ವಿ.ಅನ್ನಪೂರ್ಣ, ಶಮಾ ಎಸ್‌.ಶೆಟ್ಟಿ 625 ಅಂಕ ಪಡೆದಿದ್ದಾರೆ.