ಅಜ್ಜಂಪುರ| ಸಿಡಿಲು ಬಡಿದು 18 ಕುರಿಗಳು ಸಾವು

ಚಿಕ್ಕಮಗಳೂರು: ಜಿಲ್ಲೆಯ ಅಜ್ಜಂಪುರ ತಾಲ್ಲೂಕಿನ ಶಂಭೈನೂರಿನಲ್ಲಿ ಸಿಡಿಲು ಬಡಿದು 18 ಕುರಿಗಳು ಮೃತಪಟ್ಟಿವೆ.

‘ಸಿಡಿಲಿನ ಶಬ್ಧಕ್ಕೆ ಹಲವಾರು ಕುರಿಗಳು ದಿಕ್ಕಪಾಲಾಗಿ ಓಡಿವೆ. ಚಿತ್ರದುರ್ಗ ಜಿಲ್ಲೆಯ ಮಾರಿಕಣಿವೆಯವರ ಕುರಿಗಳು ಇವು. ಮಂದೆ ನಿಲ್ಲಿಸಲು ಊರುಗಳ ಮೇಲೆ ಬಂದಿದ್ದಾರೆ’ ಎಂದು ಗ್ರಾಮಸ್ಥರೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.

ತರೀಕೆರೆಯಲ್ಲಿ ಬಿರುಸಾಗಿ ಮಳೆಯಾಗಿದೆ. ಬಿ.ಎಚ್‌ ರಸ್ತೆಯಲ್ಲಿ ನೀರು ಆವರಿಸಿದೆ. ಜನ–ವಾಹನ ಸಂಚಾರ ಪಡಿಪಾಟಲಾಗಿದೆ.