ಬಾಳೆಹೊನ್ನೂರಿನಲ್ಲಿ 300 ಮೂಟೆ ಯೂರಿಯಾ ವಶ

ಬಾಳೆಹೊನ್ನೂರು (ಚಿಕ್ಕಮಗಳೂರು): ಸಮೀಪದ ಸೀಗೋಡಿನಲ್ಲಿ ಅಕ್ರಮವಾಗಿ ದಾಸ್ತಾನು ಮಾಡಿದ್ದ 300 ಮೂಟೆ ಯೂರಿಯಾವನ್ನು ಕೃಷಿ ಅಧಿಕಾರಿಗಳು ಮತ್ತು ಪೊಲೀಸರು ವಶಕ್ಕೆ ಪಡೆದರು.

ದೇವಗೋಡು ಗ್ರಾಮದ ಸುಭಾಷ್ ನಗರದ ನಿವಾಸಿ ವಿಲ್ಪೇರ್ಡ ಎಂಬುವರ ಮನೆ ಬಳಿ ನಿಲ್ಲಿಸಿದ್ದ ಲಾರಿಯಲ್ಲಿದ್ದ 220 ಮೂಟೆ ಹಾಗೂ ಮನೆಯಲ್ಲಿದ್ದ 80 ಮೂಟೆಯನ್ನು ವಶಕ್ಕೆ ಪಡೆದರು.

ಸ್ಥಳಕ್ಕೆ ಕೃಷಿ ಜಂಟಿ ನಿರ್ದೇಶಕಿ ಸುಜಾತಾ ಹಾಗೂ ಪೊಲೀಸ್ ಸಬ್‌ ಇನ್‌ಸ್ಪೆಕ್ಟರ್ ರವೀಶ್ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.