ಬಳ್ಳಾರಿ ಬಳಿ ಬ್ರಿಡ್ಜ್ ಮೇಲಿಂದ ಬಿದ್ದ ಕಾರು

ಕಾನಹೋಸಹಳ್ಳಿ: ರಾಷ್ಟ್ರೀಯ ಹೆದ್ದಾರಿ 50ರಲ್ಲಿ ಬೆಂಗಳೂರಿನಿಂದ ಸಿಂದಿಗಿ ಗ್ರಾಮಕ್ಕೆ ತೆರಳುತ್ತಿದ ಕಾರು ಸಮೀಪದ ಬಿಷ್ನಹಳ್ಳಿ ಬಳಿ ಸೇತುವೆಯಿಂದ ಪಲ್ಟಿಯಾದ ಘಟನೆ ಶನಿವಾರ ಸಂಜೆ ನಡೆದಿದೆ.

ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯವಾಗಿಲ್ಲ. ಆದರೆ ಕಾರು ನಜ್ಜುಗುಜ್ಜಾಗಿದೆ. ಚಾಲಕ ಸಿದ್ದೇಶ್‌ ಆರೋಗ್ಯವಾಗಿದ್ದಾರೆ. ಪ್ರಯಾಣಿಕರಾದ ಬಸವರಾಜ್ ಹಾಗೂ ಬಿರಾದಾರ್ ಪುಂಡಲಿಕ್ ಅವರಿಗೆ ಗಾಯಗಳಾಗಿವೆ. ಗಾಯಾಳುಗಳನ್ನು ಚಿತ್ರದುರ್ಗದ ಬಸವೇಶ್ವರ ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ತಿಳಿದುಬಂದಿದೆ. ಪ್ರಕರಣ ದಾಖಲಾಗಿಲ್ಲ. ಸ್ಥಳದಲ್ಲಿ ಸ್ಥಳೀಯ ಠಾಣೆಯ ಪಿಎಸ್‌ಐ ಎಚ್‌. ನಾಗರಾಜ್‌ ಇದ್ದರು.