ಮಂಗಳೂರು: ಮಂಗಳೂರು ಅಂತರ ರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ 2017ರಿಂದ ಈ ತನಕ ಕಳ್ಳ ಸಾಗಾಣಿಕೆಗೆ ಯತ್ನ ಪ್ರಕರಣಗಳಲ್ಲಿ ಒಟ್ಟು 95.12 ಕೆ.ಜಿ ಚಿನ್ನ ಜಪ್ತಿ ಮಾಡಲಾಗಿದೆ.
ಗಲ್ಫ್ ರಾಷ್ಟ್ರಗಳಿಂದ ಬಂದ ಪ್ರಯಾಣಿಕರಲ್ಲಿ ಈ ಚಿನ್ನವು ದೊರೆತಿದೆ ಎಂದು ಮಾಹಿತಿ ಹಕ್ಕು ಅರ್ಜಿ ಅಡಿಯಲ್ಲಿ ವಿಮಾನ ನಿಲ್ದಾಣದಲ್ಲಿನ ಕಸ್ಟಮ್ಸ್ ಸಹಾಯಕ ಆಯುಕ್ತರು ಮಾಹಿತಿ ನೀಡಿದ್ದಾರೆ.
ಕಸ್ಟಮ್ಸ್ ಕಾಯ್ದೆ 1962ರ ಅನ್ವಯ ಸೂಕ್ತ ಕ್ರಮಗಳನ್ನು ಕೈಗೊಂಡ ಬಳಿಕ ಈ ಚಿನ್ನವನ್ನು ಕಾಲಕಾಲಕ್ಕೆ ವಿಲೇವಾರಿ ಮಾಡಲಾಗುತ್ತಿದೆ.
ಚಾಕೊಲೇಟ್, ಚೂಯಿಂಗ್ ಗಮ್, ಬುರ್ಕಾ ಕಸೂತಿ, ಫೇಸ್ ಕ್ರೀಂ, ಮೇಕಪ್ ಕಿಟ್ಸ್, ಎಲೆಕ್ಟ್ರಾನಿಕ್ಸ್ ಸಾಧನಗಳು, ಪೆನ್, ನ್ಯಾಪ್ಕಿನ್, ಟ್ರಾಲಿ ಚಕ್ರಗಳ ಒಳಗೆ ಇರಿಸಿರುವುದಲ್ಲದೇ ಕೆಲವೊಂದು ಪ್ರಕರಣದಲ್ಲಿ ಗುದದ್ವಾರದ ಬಳಿ ಮಾತ್ರೆರೂಪದಲ್ಲಿ ಚಿನ್ನವನ್ನು ಇರಿಸಿದ ಪ್ರಕರಣವನ್ನೂ ವಿಮಾನ ನಿಲ್ದಾಣದ ಸಿಬ್ಬಂದಿ ಪತ್ತೆ ಮಾಡಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.