ಮಂಗಳೂರು: ಎಜೆಯಲ್ಲಿ ಹೊಲೊಜಿಕ್ ಇಮೇಜಿಂಗ್ ಯಂತ್ರ

ಮಂಗಳೂರು: ಎ.ಜೆ. ಆಸ್ಪತ್ರೆ ಮತ್ತು ಸಂಶೋಧನಾ ಕೇಂದ್ರವು ಮಹಿಳೆಯರ ಸಮಗ್ರ ಆರೋಗ್ಯ ತಪಾಸಣೆಗೆ ಸುಧಾರಿತ ಹೊಲೊಜಿಕ್ ಇಮೇಜಿಂಗ್ ವ್ಯವಸ್ಥೆ ಸ್ಥಾಪಿಸಿದೆ.

ಯುಎಸ್‌ಎಯಿಂದ ಎರಡು ಸುಧಾರಿತ ಹೊಲೊಜಿಕ್ ಇಮೇಜಿಂಗ್ ಯಂತ್ರ ತಂದು ಅಳವಡಿಸಲಾಗಿದೆ. ಇದು ಹೊಲೊಜಿಕ್ 3ಡಿ ಮ್ಯಾಮೊಗ್ರಫಿ ಮತ್ತು ಸ್ತನ ಬಯಾಪ್ಸಿಯ ನಿಖರ ಫಲಿತಾಂಶ ನೀಡುತ್ತದೆ. 

ಹೊಲೊಜಿಕ್ 3ಡಿ ಮ್ಯಾಮೊಗ್ರಫಿಯು ಸ್ತನ ಅಂಗಾಂಶದ ರೆಸಲ್ಯೂಷನ್, ಪದರದ ದೃಶ್ಯೀಕರಣ ಒದಗಿಸುತ್ತದೆ. ಪ್ರಸ್ತುತ ಇರುವ 2ಡಿ ಮ್ಯಾಮೊಗ್ರಫಿಗಿಂತ ಇದು ಸುಧಾರಿತ ವ್ಯವಸ್ಥೆಯಾಗಿದೆ. ಕಡಿಮೆ ಸಾಂಪ್ರದಾಯಿಕ ಸ್ಟಿರಿಯೊಟ್ಯಾಕ್ಟಿಕ್ ಬಯಾಪ್ಸಿ ತಂತ್ರಗಳಿಗೆ ಹೋಲಿಸಿದರೆ ಕಡಿಮೆ ಸಮಯದಲ್ಲಿ ತಪಾಸಣೆ ಮಾಡಬಹುದು.

ಹೊಲೊಜಿಕ್ ಹೋಲ್ ಬಾಡಿ ಡೆಕ್ಸಾ ಯಂತ್ರವು ಮೂಳೆಯ ಖನಿಜ ಸಾಂದ್ರತೆ, ಕೊಬ್ಬು, ಅಂಗಾಂಶ ಸೇರಿದಂತೆ ಸಮಗ್ರ ತಪಾಸಣೆಯ ಫಲಿತಾಂಶ ನೀಡುತ್ತದೆ. ಆಸ್ಟಿಯೊಪೊರೋಸಿಸ್, ಸಾರ್ಕೊಪೆನಿಯಾ ಮತ್ತು ಮೆಟಾಬಾಲಿಕ್ ಕಾಯಿಲೆಯ ರೋಗನಿರ್ಣಯಕ್ಕೆ ಇದು ಸಹಕಾರಿಯಾಗಿದೆ ಎಂದು ಆಸ್ಪತ್ರೆಯ ಪ್ರಕಟಣೆ ತಿಳಿಸಿದೆ.

ಈ ಸೌಲಭ್ಯವನ್ನು ಲಕ್ಷ್ಮಿ ಮೆಮೊರಿಯಲ್ ಎಜುಕೇಶನ್ ಟ್ರಸ್ಟ್‌ ಅಧ್ಯಕ್ಷ ಎ.ಜೆ.ಶೆಟ್ಟಿ ಶುಕ್ರವಾರ ಉದ್ಘಾಟಿಸಿದರು.