ಕೋಳಿಗೆ ನಾಲ್ಕು ಕಾಲು!

ಮೂಡುಬಿದಿರೆ: ಕೋಳಿಗಳಿಗೆಎರಡು ಕಾಲುಗಳಿರುವುದನ್ನು ನೋಡಿದ್ದೇವೆ. ಆದರೆ, ಪಡುಕೊಣಾಜೆಯಕೋಳಿ ವ್ಯಾಪಾರಿಯ ಅಂಗಡಿಗೆ ಮಾರಾಟಕ್ಕಾಗಿ ಬಂದಿದ್ದ ಕೋಳಿಯೊಂದಕ್ಕೆ ನಾಲ್ಕು ಕಾಲುಗಳಿವೆ. ಈ ಬಾಯ್ಲರ್ ಕೋಳಿಯು ಸ್ಥಳೀಯರ ಕುತೂಹಲಕ್ಕೆ ಕಾರಣವಾಗಿದೆ.

ಮಾಮೂಲಿ ಕಾಲುಗಳ ಪಕ್ಕದಲ್ಲೆ ಇನ್ನೆರಡು ಕಾಲುಗಳು ದೇಹದಿಂದ ಹೊರಚಾಚಿದ್ದು, ಆದರೆ ಈ ಕಾಲುಗಳನ್ನು ನಡೆಯಲು ಉಪಯೋಗಿಸುತ್ತಿಲ್ಲ.

ವಿಷಯ ತಿಳಿದು ಸ್ಥಳೀಯರು ಅಂಗಡಿಗೆ ಬಂದು ಕೋಳಿಯನ್ನು ನೋಡಿ ಹೋಗುತ್ತಿದ್ದಾರೆ. ನಿತೇಶ್ ಪೂಜಾರಿ ಎಂಬವರು ಈ ಕೋಳಿಯನ್ನು ತಮ್ಮ ಮನೆಗೆ ಕೊಂಡೊಯ್ದು, ಸಾಕುತ್ತಿದ್ದಾರೆ.