ಕಾಸರಗೋಡು | ಜೀಪ್‌-ಬೈಕ್ ಡಿಕ್ಕಿ: ವ್ಯಕ್ತಿ ಸಾವು

ಕಾಸರಗೋಡು: ಬದಿಯಡ್ಕ ಬೋಳುಕಟ್ಟೆ ರಸ್ತೆಯಲ್ಲಿ ಭಾನುವಾರ ಸಂಜೆ ಜೀಪು-ಬೈಕ್ ಡಿಕ್ಕಿಯಾಗಿ, ಬೈಕ್ ಸವಾರ ಮಧೂರು ಬಳಿಯ ಕೋಡಿಮಜಲು ನಿವಾಸಿ ವಿಜಯ ಕುಮಾರ್ (38) ಮೃತಪಟ್ಟಿದ್ದಾರೆ.

ಸಹ ಸವಾರ ರಾಧಾಕೃಷ್ಣ ಎಂಬುವರು ಗಾಯಗೊಂಡು ಮಂಗಳೂರಿನ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಗಂಭೀರ ಗಾಯಗೊಂಡಿದ್ದ ವಿಜಯಕುಮಾರ್ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯುವಾಗ ಮೃತಪಟ್ಟರು.

ಅವರು ಬಿ.ಎಂ.ಎಸ್.ಕಾರ್ಯಕರ್ತ ದಿ.ಕೃಷ್ಣನ್ ಎಂಬುವರ ಪುತ್ರ. ಬದಿಯಡ್ಕ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.