ಇಲ್ಲದ ಒತ್ತಡ, ಬಹುತೇಕ ಖಾಲಿ ಖಾಲಿ

ಮಂಗಳೂರು:ಲಾಕ್ಡೌನ್ ನಡುವೆ ಬುಧವಾರ ಬೆಳಿಗ್ಗೆ 7 ರಿಂದ 12 ರ ತನಕ ಜಿಲ್ಲಾಡಳಿತವು ಜೀವನಾವಶ್ಯಕ ವಸ್ತುಗಳ ಖರೀದಿಗಾಗಿ ನಿರ್ಬಂಧ ಸಡಿಲಿಕೆ ಮಾಡಿದ್ದು, ನಗರದಲ್ಲಿ ಜನ ಖರೀದಿಯಲ್ಲಿ ತೊಡಗಿದ್ದರು.

ಆದರೆ, ಮಂಗಳವಾರದ ಜನ ದಟ್ಟಣೆ ಕಂಡುಬರಲಿಲ್ಲ. ಬಹುತೇಕ ಖಾಲಿ ಖಾಲಿಯಾಗಿತ್ತು. ಕೇಂದ್ರ ಮಾರುಕಟ್ಟೆಗೆ ಸಾಮಾನ್ಯ ಜನರ ಪ್ರವೇಶ ನಿಷೇಧಿಸಲಾಗಿತ್ತು. ರಾತ್ರಿ 11 ರಿಂದ ಬೆಳಿಗ್ಗೆ 4 ರ ತನಕ ಸಗಟು ವ್ಯಾಪಾರ ನಡೆಯಿತು. ಬಳಿಕ ಬಂದ್ ಮಾಡಲಾಯಿತು ಎಂದು ಪೊಲೀಸರು ತಿಳಿಸಿದರು.

ಉಳಿದಂತೆ ಎಲ್ಲಿಯೂ ಒತ್ತಡ ಕಂಡು ಬರಲಿಲ್ಲ. ಆದರೆ ಸಾಮಗ್ರಿ ಕೊರತೆ ಇದೆ. ದರವೂ ಹೆಚ್ಚಿದೆ ಎಂದು ಕೆಲವು ಗ್ರಾಹಕರು ದೂರಿಕೊಂಡರು.