ಮಂಗಳೂರು: ಎಂಡಿಎಂಎ ವಶ– ಇಬ್ಬರು ಆರೋಪಿಗಳ ಬಂಧನ

ಮಂಗಳೂರು: ನಿಷೇಧಿತ ಮಾದಕ ಪದಾರ್ಥ ಎಂಡಿಎಂಎಯನ್ನು ಮಾರಾಟ ಮಾಡುತ್ತಿದ್ದ ಕೇರಳದ ಇಬ್ಬರು ಆರೋಪಿಗಳನ್ನು ಸಿಸಿಬಿ ಪೊಲೀಸರು ಕೆ.ಸಿ.ರೋಡ್‌ನಲ್ಲಿ ಬಂಧಿಸಿದ್ದು, ಅವರಿಂದ ಒಟ್ಟು ₹ 95 ಸಾವಿರ ಮೌಲ್ಯದ ಸ್ವತ್ತು ವಶಕ್ಕೆ ಪಡೆದಿದ್ದಾರೆ.

ಮಂಜೇಶ್ವರದ ಹೊಸಬೆಟ್ಟು ಗುಡ್ಡೆಕೇರಿಯ ಮುಸ್ತಾಫ (37) ಹಾಗೂ ಮಂಜೇಶ್ವರ ಕುಂಜತ್ತೂರು ಗ್ರಾಮದ ಮಂಜಲಗುಡ್ಡೆ ಹೌಸ್‌ನ ಶಂಶುದ್ದೀನ್‌ (37) ಬಂಧಿತರು. ಶಂಶುದ್ದೀನ್‌ ಪ್ರಸ್ತುತ ಕೊಟೆಕಾರ್, ಬೀರಿಯಲ್ಲಿ ವಾಸವಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.