ನಕಲಿ ಪ್ರಮಾಣ ಪತ್ರ: ಮೂವರ ಬಂಧನ

ಕಾಸರಗೋಡು: ವಿವಿಧ ವಿಶ್ವವಿದ್ಯಾನಿಲಯಗಳ ನಕಲಿ ಪ್ರಮಾಣಪತ್ರಗಳನ್ನು ತಯಾರಿಸಿ ಮಾರಾಟ ಮಾಡುತ್ತಿದ್ದ ತಂಡವನ್ನು ಪತ್ತೆ ಮಾಡಿರುವ ಹೊಸದುರ್ಗ ಡಿವೈಎಸ್ಪಿ ಬಾಬು ನೇತೃತ್ವದ ಪೊಲೀಸರ ತಂಡವು ಮೂವರನ್ನು ಬಂಧಿಸಿದೆ.

ಹೊಸದುರ್ಗ ಕಡಪ್ಪುರಂ ನಿವಾಸಿ ಸಿಹಾಬ್(38), ಕೊವ್ವಲ್ ಪಳ್ಳಿ ನಿವಾಸಿ ಸಂತೋಷ್ ಕುಮಾರ್(45), ಕ್ಲಾಯಿಕಟ್ಟೆ ನಿವಾಸಿ ಸಿ.ರವೀಂದ್ರನ್(51) ಬಂಧಿತ ಆರೋಪಿಗಳು. ಪುದಿಯಕೋಟೆಯಲ್ಲಿರುವ ಸಂತೋಷ್ ಕುಮಾರ್ ಮಾಲೀಕತ್ವದ ನೆಟ್ ಫಾರ್ ಯೂ ಕೆಫೆ ಮತ್ತು  ಶಿಹಾಬ್‌ ಮನೆಯ ಮೇಲೆ ಏಕಕಾಲದಲ್ಲಿ ದಾಳಿ ನಡೆಯಿತು.