ಮಾಯಕೊಂಡ | ಅಡಿಕೆ ಸಿಪ್ಪೆಗೆ ಬೆಂಕಿ; ದಟ್ಟವಾಗಿ ಹರಡಿದ ಹೊಗೆ

ಮಾಯಕೊಂಡ: ಗ್ರಾಮದ ಕೈದಾಳ್ ಬಸವರಾಜಪ್ಪ ಎಂಬ ರೈತ ಸಂಗ್ರಹಿಸಿದ್ದ ಅಡಿಕೆ ಸಿಪ್ಪೆ ರಾಶಿಗೆ ಭಾನುವಾರ ಬೆಂಕಿ ಬಿದ್ದ ಪರಿಣಾಮ ದಟ್ಟ ಹೊಗೆ ಆವರಿಸಿದ್ದು, ಕೆಲ ಕಾಲ ಆತಂಕ ಸೃಷ್ಟಿಯಾಯಿತು.

ರೈತ ಬಸವರಾಜಪ್ಪ ಎರಡು ತಿಂಗಳಿಂದ ತಮ್ಮ ಮನೆಯ ಖಾಲಿ ನಿವೇಶನದಲ್ಲಿ ಅಡಿಕೆ ಸಿಪ್ಪೆಯನ್ನ ಸಂಗ್ರಹಿಸಿದ್ದರು. ಆಕಸ್ಮಿಕವಾಗಿ ಬೆಂಕಿ ಬಿದ್ದ ಕಾರಣ ದಟ್ಟವಾಗಿ ಹೊಗೆ ಹರಡಿದ್ದು ಕೂಡಲೇ ಅಗ್ನಿ ಶಾಮಕ ದಳದ ಸಿಬ್ಬಂದಿ ಬಂದು ಬೆಂಕಿ ನಂದಿಸಿ, ಭಾರಿ ಅನಾಹುತ ತಪ್ಪಿಸಿದರು.

 ಅಗ್ನಿಶಾಮಕ ಸಿಬ್ಬಂದಿ ವೆಂಕಟೇಶ್ ಹೆಚ್, ನಯಾಜ್, ಆನಂದ್, ಲೋಹಿತಾಶ್ವ ಬೆಂಕಿ ನಂದಿಸಿದರು.