ಆನ್‌ಲೈನ್‌ ಜೂಜಿನಲ್ಲಿ ವಂಚನೆ: ಯುವಕ ಆತ್ಮಹತ್ಯೆ

ದಾವಣಗೆರೆ: ಆನ್‌ಲೈನ್‌ ಆ್ಯಪ್‌ ಜೂಜಿನಲ್ಲಿ ₹18 ಲಕ್ಷ ಹಣ ಕಳೆದುಕೊಂಡು ಮನನೊಂದಿದ್ದ ಯುವಕನೊಬ್ಬ ನೇಣು ಹಾಕಿಕೊಂಡು ಗುರುವಾರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

‘ಪ್ರಿಂಟಿಂಗ್‌ ಪ್ರೆಸ್‌ವೊಂದರಲ್ಲಿ ಕೆಲಸ ಮಾಡುತ್ತಿದ್ದ ಸರಸ್ವತಿ ನಗರದ ಶಶಿಕುಮಾರ್‌ ರಿತ್ತಿ (25) ಮೃತ ಯುವಕ.

ಒಂದು ವರ್ಷದಿಂದ ಆನ್‌ಲೈನ್ ಜೂಜು ಆಡುತ್ತಿದ್ದ.ಆರಂಭದಲ್ಲಿ ಹೂಡಿದ್ದ ₹ 500ಕ್ಕೆ ಕೆಲವೇ ದಿನಗಳಲ್ಲಿ ₹ 5 ಸಾವಿರ ಸಿಕ್ಕಿತ್ತು. ಸುಲಭವಾಗಿ ಹಣ ಗಳಿಸಲು ಅನೇಕರ ಬಳಿ ಸಾಲ ಮಾಡಿ ಹಂತ ಹಂತವಾಗಿ ₹ 18 ಲಕ್ಷವನ್ನು ತೊಡಗಿಸಿದ್ದರು. ₹19 ಕೋಟಿ ವಾಪಸ್‌ ಬಂದಿದ್ದಾಗಿ ಆ್ಯಪ್‌ನಲ್ಲಿ ತೋರಿಸುತ್ತಿತ್ತು. ಆದರೆ, ಅದು ತನ್ನ ಬ್ಯಾಂಕ್ ಖಾತೆಗೆ ವರ್ಗಾವಣೆ ಆಗದಿರುವುದರಿಂದ ಮನನೊಂದಿದ್ದರು. ಹಣ ಮರಳಿಸುವಂತೆ ಸಾಲಗಾರರು ಕಾಟ ನೀಡಿದ್ದರಿಂದ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ’ ಎಂದು ಪ್ರಕರಣ ದಾಖಲಿಸಿಕೊಂಡಿರುವ ಕೆಟಿಜೆ ನಗರ ಠಾಣೆಯ ಪೊಲೀಸರು ತಿಳಿಸಿದ್ದಾರೆ.