ವಾಯವ್ಯ ‌ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ನಿಗಮದ 222 ಸಿಬ್ಬಂದಿ ವರ್ಗಾವಣೆ

ಹುಬ್ಬಳ್ಳಿ: ವಾಯವ್ಯ ‌ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ನಿಗಮದ ವತಿಯಿಂದ ಒಟ್ಟು 222 ಸಿಬ್ಬಂದಿಯನ್ನು ‌ವರ್ಗಾವಣೆ ಮಾಡಲಾಗಿದೆ.

ಒಂಬತ್ತು ಡಿವಿಷನ್‌ಗಳಿಂದ 171 ಚಾಲಕ ಹಾಗೂ ನಿರ್ವಾಹಕರು, 51 ಜನ ಮೆಕಾನಿಕ್ ಸಿಬ್ಬಂದಿಯನ್ನು ವರ್ಗಾವಣೆ ‌ಮಾಡಲಾಗಿದೆ.

ಈ ಕುರಿತು ಪ್ರಜಾವಾಣಿಗೆ ಪ್ರತಿಕ್ರಿಯಿಸಿದ ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ವ್ಯವಸ್ಥಾಪಕ ನಿರ್ದೇಶಕ ಕೃಷ್ಣ ಬಾಜಪೇಯಿ ಸಂಸ್ಥೆಯ ಸಿಬ್ಬಂದಿ ಕೆಲಸ ನಿರ್ವಹಿಸಲು ಅಡ್ಡಿ ಪಡಿಸುತ್ತಿರುವ ಕೆಲ ಉದ್ಯೋಗಿಗಳನ್ನು ವರ್ಗಾವಣೆ ‌ಮಾಡಲಾಗಿದೆ. ತರಬೇತಿ ಸಿಬ್ಬಂದಿಗೆ ‌ಈಗಾಗಲೇ‌ ನೋಟಿಸ್‌‌ ನೀಡಲಾಗಿದೆ. ಕೆಲವರನ್ನು ವಜಾ ಕೂಡ ಮಾಡಲಾಗಿದೆ. ಇನ್ನು ಕೆಲ ತರಬೇತಿ ಸಿಬ್ಬಂದಿಗೆ ಒಂದೆರೆಡು‌ ದಿನಗಳಲ್ಲಿ ವಜಾ ಆದೇಶ ಕಳುಹಿಸಲಾಗುತ್ತದೆ ಎಂದರು.

ಸಾರಿಗೆ ಸಿಬ್ಬಂದಿ ಮುಷ್ಕರದಿಂದಾಗಿ‌ ನಮ್ಮ ನಿಗಮಕ್ಕೆ ನಾಲ್ಕು ದಿನಗಳಿಂದ ಅಂದಾಜು ₹14.5 ಕೋಟಿ ಆದಾಯ ‌ಖೋತಾ ಆಗಿದೆ ಎಂದರು.