ದಾಖಲೆಗಳಿಲ್ಲದ ₹18 ಲಕ್ಷ ಹುಬ್ಬಳ್ಳಿಯಲ್ಲಿ ವಶ

ಹುಬ್ಬಳ್ಳಿ: ದಾಖಲೆಗಳಿದೆ ಅಕ್ರಮವಾಗಿ ಕಾರಿನಲ್ಲಿ ₹18 ಲಕ್ಷ ಸಾಗಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಭಾನುವಾರ ನಗರದಲ್ಲಿ ಪೊಲೀಸರು ಬಂಧಿಸಿ, ಹಣ ಹಾಗೂ ಕಾರು ವಶಪಡಿಸಿಕೊಂಡಿದ್ದಾರೆ.

ಚುನಾವಣಾ ಅಕ್ರಮ ನಿಯಂತ್ರಣ ಹಿನ್ನೆಲೆಯಲ್ಲಿ ಕಾರವಾರ ರಸ್ತೆ ಬಳಿ ಹಾಕಲಾಗಿದ್ದ ಚೆಕ್'ಪೋಸ್ಟ್ ಬಳಿ ನಡೆದ ಕಾರ್ಯಾಚರಣೆಯಲ್ಲಿ ಪ್ರಕರಣ ಪತ್ತೆಯಾಗಿದೆ. ವ್ಯಕ್ತಿ ಅಂಕೋಲಾ ಮಾರ್ಗದಿಂದ ಹುಬ್ಬಳ್ಳಿಗೆ ಬರುತ್ತಿದ್ದಾಗ ಚೆಕ್'ಪೋಸ್ಟ್ ಬಳಿ ಸಿಬ್ಬಂದಿ ಕಾರನ್ನು ತಡೆದು ತಪಾಸಣೆ ನಡೆಸಿದ್ದಾರೆ. ಹಣದ ಕುರಿತು ವ್ಯಕ್ತಿ ದಾಖಲೆ ನೀಡದ‌ ಹಿನ್ನೆಲೆಯಲ್ಲಿ, ಪೊಲೀಸ್ ಹಿರಿಯ ಅಧಿಕಾರಿಗಳು, ತಹಶೀಲ್ದಾರ್ ಸ್ಥಳಕ್ಕೆ ಬಂದು ಪರಿಶೀಲಿಸಿದ್ದಾರೆ. ಹಳೇ ಹುಬ್ಬಳ್ಳಿ ಠಾಣೆಯಲ್ಲಿ ವಿಚಾರಣೆ ಮುಂದುವರಿದಿದೆ.