ಹೃದಯಾಘಾತ: ಧಾರವಾಡದ ಕೆಸಿಡಿ ಕಾಲೇಜಿನ ಪ್ರಾಧ್ಯಾಪಕಿ ಅನ್ನಪೂರ್ಣ ಸಾವು

ಧಾರವಾಡ: ಅಂಡಮಾನ್‌–ನಿಕೋಬಾರ್‌ಗೆ ಪ್ರವಾಸ ತೆರಳಿದ್ದ ಕೆಸಿಡಿ ಕಾಲೇಜಿನ ಅರ್ಥಶಾಸ್ತ್ರ ಅಧ್ಯಯನ ವಿಭಾಗದ ಮುಖ್ಯಸ್ಥೆ ಎಸ್‌.ಅನ್ನಪೂರ್ಣ (50) ಶನಿವಾರ ತಡರಾತ್ರಿ ಹೃದಯಾಘಾತದಿಂದ ನಿಧನರಾಗಿದ್ಧಾರೆ.

ಕುಟುಂಬಸಮೇತ ಪ್ರವಾಸಕ್ಕೆ ತೆರಳಿದ್ದ ಅವರು ಪೋರ್ಟ್‌ಬ್ಲೇರ್‌ನಲ್ಲಿ ನಿಧನರಾಗಿದ್ದಾರೆ. ಅವರಿಗೆ ಪತಿ ಪ್ರೊ.ಕಿರಣಕುಮಾರ ಕೋಲ್ಕಾರ್‌, ಪುತ್ರ, ಪುತ್ರಿ ಇದ್ದಾರೆ.

ಅನ್ನಪೂರ್ಣ ಅವರು ಕೆಸಿಡಿ‌ ಕಾಲೇಜಿನ ಕಾವೇರಿ ಹಾಸ್ಟೆಲ್ ನಿಲಯಪಾಲಕಿಯಾಗಿಯೂ ಕಾರ್ಯನಿರ್ವಹಿಸುತ್ತಿದ್ದರು. ಅವರು ಬೆಳಗಾವಿ ಜಿಲ್ಲೆಯ ಮಾವಿನಕಟ್ಟೆ ಗ್ರಾಮದವರು.