ಹುಬ್ಬಳ್ಳಿ: ತ್ಯಾಜ್ಯದ ರಾಶಿ; ಸಂಚಾರಕ್ಕೆ ತೊಂದರೆ

ಹುಬ್ಬಳ್ಳಿ: ದೀಪಾವಳಿ ಹಬ್ಬಕ್ಕಾಗಿ ಮಾರಾಟ ಮಾಡಿ ಉಳಿದಂತಹ ಬಾಳೆಕಂಬ, ಉತ್ತರಾಣಿ ಕಡ್ಡಿ, ಚೆಂಡು ಹೂವಿನ ಗಿಡ ಹಾಗೂ ಹೂವಿನ ಮಾಲೆಗಳನ್ನು ರೈತರು ರಸ್ತೆ ಬದಿಯಲ್ಲಿಯೇ ಎಸೆದಿದ್ದು, ಇದು ಪಾದಚಾರಿಗಳು ಹಾಗೂ ವಾಹನಗಳ ಸಂಚಾರಕ್ಕೆ ಅಡ್ಡಿಯಾಗಿದೆ.

ನಗರದ ಸಂಗೊಳ್ಳಿ ರಾಯಣ್ಣ ವೃತ್ತದ ಬಳಿ, ಕಿತ್ತೂರು ರಾಣಿ ಚನ್ನಮ್ಮ ವೃತ್ತದ ರಸ್ತೆ ಬದಿ, ಹಳೇ ಕೋರ್ಟ್‌ ಎದುರಿನ ಕೆಳಸೇತುವೆ ಬಳಿ, ಶಿರೂರು ಪಾರ್ಕ್ ರಸ್ತೆ ಬದಿ ಸೇರಿದಂತೆ ಮಾರುಕಟ್ಟೆ ಪ್ರದೇಶಗಳ ರಸ್ತೆ ಬದಿಯಲ್ಲಿ ಇವುಗಳ ತ್ಯಾಜ್ಯ ಬಿದ್ದಿದೆ. ‌

‘ನಗರದಲ್ಲಿ ಮಳೆ ಸುರಿದ ಪರಿಣಾಮ ಬಾಳೆ, ಹೂವಿನ ತ್ಯಾಜ್ಯವು ಮಧ್ಯ ರಸ್ತೆಯ ತನಕ ಹರಿದು ಬಂದಿದೆ. ಇದರಿಂದಾಗಿ ವಾಹನಗಳ ಸಂಚಾರಕ್ಕೆ ತೊಂದರೆಯಾಗುತ್ತಿದೆ’ ಎಂದು ದ್ವಿಚಕ್ರ ವಾಹನ ಸವಾರರು ದೂರುತ್ತಾರೆ.