ಶಿರಹಟ್ಟಿ | ಬ್ಯಾನರ್ ಗಲಾಟೆ: ಭೂಮಿಪೂಜೆ ಕಾರ್ಯಕ್ರಮ ರದ್ದು

ಶಿರಹಟ್ಟಿ: ತಾಲ್ಲೂಕಿನ ಮಾಗಡಿ ಗ್ರಾಮದಲ್ಲಿ ಆಯುಷ್ಮಾನ್ ಆರೋಗ್ಯ ಕೇಂದ್ರ ನಿರ್ಮಾಣ ಕಾಮಗಾರಿ ಭೂಮಿಪೂಜೆ ಕಾರ್ಯಕ್ರಮದ ಬ್ಯಾನರ್‌ನಲ್ಲಿ ಕೆಲವು ಸಚಿವರ ಹೆಸರು ಹಾಗೂ ಚಿತ್ರ ಇಲ್ಲದ ಕಾರಣ ಶನಿವಾರ ಕಾರ್ಯಕ್ರಮವನ್ನು ರದ್ದುಗೊಳಿಸಲಾಯಿತು.

ಗ್ಯಾರಂಟಿ ಅಧ್ಯಕ್ಷ ಹಾಗೂ ಗ್ರಾಮ ಪಂಚಾಯಿತಿ ಅಧ್ಯಕ್ಷ ವೀರಯ್ಯ ಮಠಪತಿ ಅವರು, ‘ಭೂಮಿಪೂಜೆಗೆ ಸಂಬಂಧಿಸಿದಂತೆ ಕೇವಲ ಶಾಸಕರ ಚಿತ್ರವನ್ನು ಬ್ಯಾನರ್‌ನಲ್ಲಿ ಹಾಕಲಾಗಿದೆ. ಈ ಕಾರ್ಯಕ್ರಮದ ಕುರಿತು ಗ್ರಾಮ ಪಂಚಾಯಿತಿಗೂ ವಿಷಯ ತಿಳಿಸಿಲ್ಲ. ಬ್ಯಾನರ್ ತೆಗೆದು ಭೂಮಿಪೂಜೆ ನಡೆಸಿ’ ಎಂದು ಕೆ.ಎಚ್.ಎಸ್.ಡಿ.ಪಿ ಎಂಜಿನಿಯರ್ ಸಾಗರ ಅವರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.

ಶಾಸಕ ಡಾ. ಚಂದ್ರು ಲಮಾಣಿ ಅವರು ನಿಗದಿತ ಸಮಯಕ್ಕೆ ಬಾರದ ಕಾರಣ ಭೂಮಿಪೂಜೆ ಕಾರ್ಯಕ್ರಮ ರದ್ದುಗೊಂಡಿತು.

ಈ ವೇಳೆ ಪ್ರಕಾಶ ಹೋರಿ, ದ್ಯಾಮಣ್ಣ ಸಾಸಳ್ಳಿ, ಸಂಜೀವರಡ್ಡಿ ವೆಂಕರಡ್ಡಿ, ಉದಯ ಕೆ. ಮಾಗಡಿ, ಫಕ್ಕೀರೇಶ ಮಧ್ಯನಕೇರಿ, ಪವನ ಇಳಗೇರ, ಹಜರೇಸಾಬ್ ನಧಾಫ್ ಇದ್ದರು.