ಕೆರಿಮನಿ ಲಲಿತಕ್ಕಗೆ ಕನ್ನಡಶ್ರೀ ಪ್ರಶಸ್ತಿ

ಲಕ್ಷ್ಮೇಶ್ವರ: ಪಟ್ಟಣದ ಮಹಿಳಾ ಸಾಹಿತಿ ಲಲಿತಕ್ಕ ಕೆರಿಮನಿ ಅವರಿಗೆ ಗದಗ ಜಿಲ್ಲಾ ಬರಹಗಾರರ ಬಳಗ ವತಿಯಿಂದ ಕನ್ನಡಶ್ರೀ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಲಲಿತಕ್ಕ ಅವರು ಪಾರ್ವತಿ ಮಕ್ಕಳ ಬಳಗದ ರೇಣುಕಾಚಾರ್ಯ ಸಂಸ್ಕೃತ ಪಾಠ ಶಾಲೆಯಲ್ಲಿ ಮೂರು ದಶಕಗಳ ಕಾಲ ಶಿಕ್ಷಕಿಯಾಗಿ ಸೇವೆ ಸಲ್ಲಿಸಿದ್ದಾರೆ. ಇದುವರೆಗೆ ನಾಲ್ಕು ಪುಸ್ತಕ ರಚಿಸಿದ್ದು, ಎರಡು ಪುಸ್ತಕಗಳ ಸಂಪಾದಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ.