ಹಾಸನ: 1042 ಮಂದಿಗೆ ಕೋವಿಡ್‌ ದೃಢ

ಹಾಸನ: ಜಿಲ್ಲೆಯಲ್ಲಿ ಗುರುವಾರ 1042 ಮಂದಿಗೆ ಕೋವಿಡ್‌ ದೃಢಪಟ್ಟಿದ್ದು, ಚಿಕಿತ್ಸೆಗೆ ಸ್ಪಂದಿಸದೆ 14 ಮಂದಿ
ಮೃತಪಟ್ಟಿದ್ದಾರೆ.

ಒಟ್ಟು ಸೋಂಕಿತರ ಸಂಖ್ಯೆ 88,291ಕ್ಕೆ ಏರಿಕೆಯಾಗಿದ್ದು, 74,087 ಜನರ ಆರೋಗ್ಯದಲ್ಲಿ ಚೇತರಿಕೆಯಾಗಿದೆ. 1038 ಮಂದಿಆಸ್ಪತ್ರೆಯಿಂದ ಬಿಡುಗಡೆ ಆಗಿದ್ದಾರೆ. 13,160 ಸಕ್ರಿಯ ಪ್ರಕರಣಗಳ ಪೈಕಿ 148 ಮಂದಿ ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆಪಡೆಯುತ್ತಿದ್ದಾರೆ.

ಹೊಸದಾಗಿ ಆಲೂರು 54, ಅರಕಲಗೂಡು 168, ಅರಸೀಕೆರೆ 169, ಬೇಲೂರು 104, ಚನ್ನರಾಯಪಟ್ಟಣ 111, ಹಾಸನ 303,ಹೊಳೆನರಸೀಪುರ 76, ಸಕಲೇಶಪುರ 54 ಹಾಗೂ ಇತರೆ ಜಿಲ್ಲೆಯ ಮೂವರಿಗೆ ಸೋಂಕು ತಗುಲಿದೆ. ಅಲ್ಲದೇ ಹಾಸನ 8,ಅರಸೀಕೆರೆ, ಹೊಳೆನರಸೀಪುರ ತಲಾ ಇಬ್ಬರು, ಅರಕಲಗೂಡು, ಚನ್ನರಾಯಪಟ್ಟಣ ತಾಲ್ಲೂಕಿನ ತಲಾ ಒಬ್ಬರುಮೃತಪಟ್ಟಿದ್ದಾರೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ಕೆ.ಎಂ.ಸತೀಶ್ ಕುಮಾರ್ ತಿಳಿಸಿದ್ದಾರೆ.