ಹಾಸನದಲ್ಲಿ ಒಂದೇ ದಿನ 1260 ಮಂದಿ ಬಿಡುಗಡೆ

ಹಾಸನ: ಜಿಲ್ಲೆಯಲ್ಲಿ ಗುರುವಾರ 1015 ಮಂದಿಗೆ ಕೊರೊನಾ ಸೋಂಕು ಪತ್ತೆಯಾಗಿದ್ದು, ಚಿಕಿತ್ಸೆಗೆ ಸ್ಪಂದಿಸದೆ ಹತ್ತು ಮಂದಿ ಮೃತಪಟ್ಟಿದ್ದಾರೆ.

ಸೋಂಕಿತರ ಸಂಖ್ಯೆ 58,604ಕ್ಕೆ ಏರಿಕೆಯಾಗಿದ್ದು, ಈವರೆಗೆ ಕಾಯಿಲೆಯಿಂದ ಮೃತಪಟ್ಟವರ ಸಂಖ್ಯೆ 748 ತಲುಪಿದೆ.ಹಾಸನ ತಾಲ್ಲೂಕಿನ 6, ಅರಸೀಕೆರೆ 2, ಬೇಲೂರು ಮತ್ತು ಸಕಲೇಶಪುರದ ತಲಾ ಒಬ್ಬರು ಮೃತಪಟ್ಟಿದ್ದಾರೆ.

16,073 ಸಕ್ರಿಯ ಪ್ರಕರಣಗಳ ಪೈಕಿ 129 ಮಂದಿ ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಗುರುವಾರ 1260 ಮಂದಿ ಸೇರಿದಂತೆ ಒಟ್ಟಾರೆ 41,783 ಜನರ ಆರೋಗ್ಯದಲ್ಲಿ ಚೇತರಿಕೆಯಾಗಿ ಬಿಡುಗಡೆ ಆಗಿದ್ದಾರೆ.

ಹೊಸದಾಗಿ ಆಲೂರು ತಾಲ್ಲೂಕಿನ 47, ಅರಕಲಗೂಡು 136, ಅರಸೀಕೆರೆ 121, ಬೇಲೂರು 76, ಚನ್ನರಾಯಪಟ್ಟಣ 115, ಹಾಸನ 377, ಹೊಳೆನರಸೀಪುರ 74, ಸಕಲೇಶಪುರ 69 ಮಂದಿಗೆ ಸೋಂಕು ತಗುಲಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ಕೆ.ಎಂ.ಸತೀಶ್ ಕುಮಾರ್ ತಿಳಿಸಿದ್ದಾರೆ.