ಮರಕ್ಕೆ ಬೈಕ್ ಡಿಕ್ಕಿ: ಇಬ್ಬರು ಯುವಕರ ಸಾವು

ಸವಣೂರ (ಹಾವೇರಿ ಜಿಲ್ಲೆ): ಮೋಟರ್‌ಬೈಕ್ ಮರಕ್ಕೆ ಡಿಕ್ಕಿ ಹೊಡೆದು ನಿಯಂತ್ರಣ ತಪ್ಪಿ ಹಳ್ಳಕ್ಕೆ ಬಿದ್ದು, ಕಳಲಕೊಂಡ ಗ್ರಾಮದ ಇಬ್ಬರು ಯುವಕರು ಸ್ಥಳದಲ್ಲಿಯೇ ಮೃತಪಟ್ಟ ಘಟನೆ ತಾಲ್ಲೂಕಿನ ಚಿಲ್ಲೂರ ಬಳಿ ಭಾನುವಾರ ನಡೆದಿದೆ.

ಬೈಕ್ ಚಾಲಕ ಪರಮೇಶ ಮಹದೇವಪ್ಪ ಮತ್ತೂರ (24), ರಮೇಶ ಬಸನಗೌಡ ಹೊಸಮನಿ (26)ಮೃತಪಟ್ಟಿದ್ದಾರೆ. ಸಹ ಪ್ರಯಾಣಿಕ ಫಕ್ಕೀರೇಶ ಶಂಕ್ರಪ್ಪ ತಡಸದ ಗಾಯಗೊಂಡಿದ್ದಾರೆ. ಕಾರಡಗಿಯಲ್ಲಿನ ಮದುವೆಯಲ್ಲಿ ಪಾಲ್ಗೊಂಡು ಮರಳಿ ಬರುತ್ತಿದ್ದಾಗ ಈ ದುರ್ಘಟನೆ ನಡೆದಿದೆ.