ಜಿಲ್ಲೆಯಲ್ಲಿ 111 ಮಂದಿಗೆ ಕೋವಿಡ್‌

ಹಾವೇರಿ: ಆರೋಗ್ಯ ಇಲಾಖೆ ಮತ್ತು ತಾಲ್ಲೂಕು ಪಂಚಾಯಿತಿ ನೌಕರರು ಸೇರಿದಂತೆ ಜಿಲ್ಲೆಯಲ್ಲಿ ಸೋಮವಾರ ಒಟ್ಟು 111 ಮಂದಿಗೆ ಕೋವಿಡ್‌ ದೃಢಪಟ್ಟಿದೆ. 200 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಸಂಜಯ ಶೆಟ್ಟೆಣ್ಣವರ ತಿಳಿಸಿದ್ದಾರೆ.

ತಾಲ್ಲೂಕುವಾರು ವಿವರ: ಹಾನಗಲ್‌ 12, ಹಾವೇರಿ ಮತ್ತು ಹಿರೇಕೆರೂರು ತಲಾ 28, ರಾಣೆಬೆನ್ನೂರು 5, ಸವಣೂರು 4, ಶಿಗ್ಗಾವಿ 33 ಹಾಗೂ ಇತರೆ ಒಬ್ಬರಿಗೆ ಕೋವಿಡ್‌ ದೃಢಪಟ್ಟಿದೆ.

ಬ್ಯಾಡಗಿ–27, ಹಾಗನಲ್‌–32, ಹಾವೇರಿ–94, ಹಿರೇಕೆರೂರು–8, ರಾಣೆಬೆನ್ನೂರು–2, ಸವಣೂರ–2 ಹಾಗೂ ಶಿಗ್ಗಾವಿ ತಾಲ್ಲೂಕಿನ 35 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.

ಮರಣ:ಹಾನಗಲ್‌ ಕುಮಾರೇಶ್ವರ ನಗರದ 58 ವರ್ಷದ ಪುರುಷ, ಬ್ಯಾಡಗಿ ತಾಲ್ಲೂಕಿನ ಛತ್ರ ಗ್ರಾಮದ 42 ವರ್ಷದ ಪುರುಷ, ತಿಮಕಾಪುರ ಗ್ರಾಮದ 60 ವರ್ಷದ ಪುರುಷ ಈ ಮೂವರಿಗೆ ಕೋವಿಡ್‌ ದೃಢಪಟ್ಟಿತ್ತು. ಇವರ ಮರಣವನ್ನು ಸೋಮವಾರ ದೃಢೀಕರಿಸಲಾಗಿದೆ.