ಬ್ಯಾಡಗಿ | ತಾಯಿ ಹೆಸರಿನಲ್ಲಿ ವೃಕ್ಷ ನೆಡುವ ಕಾರ್ಯಕ್ರಮ

ಬ್ಯಾಡಗಿ: ತಾಲ್ಲೂಕಿನ ಛತ್ರ ಗ್ರಾಮದ ವೀರಯ್ಯ ಲೋಕನಗೌಡ್ರ ಅವರ ಅಡಿಕೆ ತೋಟದಲ್ಲಿ ತಾಯಿಯ ಹೆಸರಲ್ಲಿ ಒಂದು ವೃಕ್ಷ ನೆಡುವ ಕಾರ್ಯಕ್ರಮವನ್ನು ಗುರುವಾರ ಏರ್ಪಡಿಸಲಾಗಿತ್ತು.

ತಾಲ್ಲೂಕು ಪಂಚಾಯ್ತಿ ಮತ್ತು ತೋಟಗಾರಿಕೆ ಇಲಾಖೆಯ ಸಹಯೋಗದಲ್ಲಿ ಏರ್ಪಡಿಸಿದ್ದ ಕಾರ್ಯಕ್ರಮವನ್ನು ತಾಲ್ಲೂಕು ಪಂಚಾಐಇತಿ ಕಾರ್ಯನಿರ್ವಾಹಕ ಅಧಿಕಾರಿ ಕೆ.ಎಂ. ಮಲ್ಲಿಕಾರ್ಜುನ ಉದ್ಘಾಟಿಸಿದರು.

ಬಳಿಕ ಮಾತನಾಡಿದ ಅವರು, ಪರಿಸರ ಸುಸ್ಥಿರತೆಯಲ್ಲಿ ಇಡಲು ಇಂಥ ಕಾರ್ಯಕ್ರಮದಲ್ಲಿ ಎಲ್ಲರೂ ಪಾಲ್ಗೊಳ್ಳಬೇಕಾಗಿರುವುದು ಅಗತ್ಯವಾಗಿದೆ ಎಂದರು.

ಹಿರಿಯ ಸಹಾಯಕ ತೋಟಗಾರಿಕೆ ನಿರ್ದೇಶಕ ಅಶೋಕ ಕುರಬರ ಮಾತನಾಡಿ, ಯೋಜನೆಗಳ ಫಲಾನುಭವಿಗಳು, ನಾಗರಿಕ ಸಮಾಜ ಸಂಸ್ಥೆಗಳು, ಸ್ವಸಹಾಯ ಸಂಘದವರು ತಮ್ಮನ್ನು ತೊಡಗಿಸಿಕೊಳ್ಳುವಂತೆ ಮನವಿ ಮಾಡಿಕೊಂಡರು.

ಪರಶುರಾಮ ಅಗಸನಹಳ್ಳಿ, ಶಿವರಾಜ್ ಮುದಿಗೌಡ್ರ, ಸಂಯೋಜಕ ಅಕ್ಷಯ ಶರಣಪ್ಪ ಅಣ್ಣಿಗೇರಿ ಹಾಗೂ ಇನ್ನಿತರರು ಪಾಲ್ಗೊಂಡಿದ್ದರು.