ಬಗೆಹರಿಯದ ವಿಚ್ಛೇದನ: ಮಹಿಳೆ ಆತ್ಮಹತ್ಯೆ

ಹಾವೇರಿ: ನ್ಯಾಯಾಲಯದಲ್ಲಿ ಗಂಡ ಹೂಡಿದ್ದ ವಿಚ್ಛೇದನ ಮೊಕದ್ದಮೆ ಬಗೆಹರಿಯುತ್ತಿಲ್ಲವೆಂದು ನೊಂದು ಆತ್ಮಹತ್ಯೆಗೆ ಯತ್ನಿಸಿದ್ದ ನೀಲಮ್ಮ ಉರುಫ್ ನೀಲಾವತಿ ರಾಮಚಂದ್ರ ಭಟ್ (30) ಹುಬ್ಬಳ್ಳಿಯ ಕೆಎಂಸಿ–ಆರ್‌ಐ (ಕಿಮ್ಸ್) ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ.

‘ಉತ್ತರ ಕನ್ನಡ ಜಿಲ್ಲೆಯ ಯಲ್ಲಾಪುರ ತಾಲ್ಲೂಕಿನ ದೇವಿಗದ್ದೆಯ ನೀಲಮ್ಮ ಹಾವೇರಿ ತಾಲ್ಲೂಕಿನ ದೇವಗಿರಿಯಲ್ಲಿ ವಾಸವಿದ್ದರು. ವಿಚ್ಛೇದನ ಪ್ರಕರಣ ಬಗೆಹರಿಯದ ಕಾರಣ ಮುಂದೆ ಜೀವನ ನಡೆಸುವುದು ಹೇಗೆ ಎಂಬ ಚಿಂತೆಯಲ್ಲಿದ್ದ ನೀಲಮ್ಮ, ಜೂನ್ 20ರಂದು ವಿಷ ಕುಡಿದಿದ್ದರು. ಚಿಕಿತ್ಸೆಗಾಗಿ ಅವರನ್ನು ಕೆಎಂಸಿ–ಆರ್‌ಐ ಆಸ್ಪತ್ರೆಗೆ ದಾಖಲಿಸಲಾಗಿತ್ತು’ ಎಂದು ಹಾವೇರಿ ಗ್ರಾಮೀಣ ಪೊಲೀಸರು ತಿಳಿಸಿದ್ದಾರೆ.