ಹಾವೇರಿ | ಸಾಲ ಕಿರುಕುಳ: ನದಿಗೆ ಹಾರಿದ್ದ ಮಹಿಳೆಯ ರಕ್ಷಣೆ

ಹಾವೇರಿ: ಜಿಲ್ಲೆಯ ರಾಣೆಬೆನ್ನೂರು ತಾಲ್ಲೂಕಿನ ನೀಟಪಳ್ಳಿ ಬಳಿ ಗುರುವಾರ ತುಂಗಭದ್ರಾ ನದಿ ಮಧ್ಯೆ ನೀರಿನಲ್ಲಿ ಸಿಲುಕಿ ರಕ್ಷಣೆಗೆ ಕೂಗಾಡುತ್ತಿದ್ದ ಮಹಿಳೆಯನ್ನು ಪೊಲೀಸರು–ಅಗ್ನಿಶಾಮದ ದಳದ ಸಿಬ್ಬಂದಿ ರಕ್ಷಿಸಿದ್ದಾರೆ.

‘ಹಿರೇಕೆರೂರು ಠಾಣೆ ವ್ಯಾಪ್ತಿಯ ನಿವಾಸಿ ರೂಪಾ, ನದಿಯ ಮಧ್ಯೆ ಸಿಲುಕಿದ್ದರು. ದೋಣಿ ಮೂಲಕ ಕಾರ್ಯಾಚರಣೆ ನಡೆಸಿ, ಅವರನ್ನು ರಕ್ಷಿಸಲಾಗಿದೆ’ ಎಂದು ಪೊಲೀಸರು ತಿಳಿಸಿದರು.

‘ರೂಪಾ ಕೆಲವರ ಬಳಿ ಸಾಲ ಮಾಡಿದ್ದು, ಮರಳಿಸುವಂತೆ ಸಾಲಗಾರರು ಬೆನ್ನುಬಿದ್ದಿದ್ದರು. ಬುಧವಾರ ರಾತ್ರಿ 12ರ ಸುಮಾರಿಗೆ ನಂದಿಗುಡಿ ಬಳಿ ಮೇಲ್ಸೇತುವೆಯಿಂದ ನದಿಗೆ ಹಾರಿ ಆತ್ಮಹತ್ಯೆಗೆ ಯತ್ನಿಸಿದ್ದರು. ಅಲ್ಲಿಂದ 2 ಕಿ.ಮೀ.ವರೆಗೂ ನೀರಿನಲ್ಲಿ ಸಾಗಿ, ಗಿಡಗಂಟಿಗಳಲ್ಲಿ ಸಿಲುಕಿದ್ದರು’ ಎಂದು ಹೇಳಿದರು.