ಚಿಂಚೋಳಿ | ಬದುವಿಗೆ ಹಚ್ಚಿದ ಬೆಂಕಿಯಿಂದ ಕಬ್ಬು ಭಸ್ಮ
Published 9 ಫೆಬ್ರುವರಿ 2026, 7:28 IST
ಚಿಂಚೋಳಿ ತಾಲ್ಲೂಕಿನ ಶಾದಿಪುರದಲ್ಲಿ ಕೃಷಿಕರಾದ ರಾಮ್ಲು ದೊರಟಿ ಅವರ ಹೊಲದಲ್ಲಿ ಕಬ್ಬು ಬೆಳೆ ಬೆಂಕಿ ತಗುಲಿ ಸುಟ್ಟುಹೋಗಿರುವುದು ಗ್ರಾಮ ಆಡಳಿತಾಧಿಕಾರಿ ರವಿಕುಮಾರ ಮಾನೆ ಭಾನುವಾರ ಪರಿಶೀಲಿಸಿದರು
ಚಿಂಚೋಳಿ: ತಾಲ್ಲೂಕಿನ ಶಾದಿಪುರ ಗ್ರಾಮದಲ್ಲಿ ಅಕಸ್ಮಿಕ ಅಗ್ನಿ ಅನಾಹುತದಲ್ಲಿ ಮೂವರು ರೈತರ 8 ಎಕರೆ ಕಬ್ಬು ಬೆಳೆ ಸುಟ್ಟು ಹೋಗಿದೆ. ರಾಮ್ಲು ದೊರಟಿ, ಶರಣಪ್ಪ ಹಾಗೂ ಮತ್ತೊಬ್ಬ ರೈತರಿಗೆ ಸೇರಿದ ಕಬ್ಬು ಬೆಳೆ ಬೆಂಕಿಗಾಹುತಿಯಾಗಿದೆ.
‘ರೈತರೊಬ್ಬರು, ತಮ್ಮ ಹೊಲದಲ್ಲಿನ ಬದುವಿಗೆ ಬೆಂಕಿ ಹಚ್ಚಿದ್ದು, ಅದು ಮುಂದಕ್ಕೆ ಚಾಚಿ ಕಬ್ಬು ಬೆಳೆಗೆ ಹಬ್ಬಿ ಹಾನಿ ಉಂಟು ಮಾಡಿದೆ’ ಎಂದರು.
ಈ ಕುರಿತು ಕುಂಚಾವರಂ ಠಾಣೆಗೆ ದೂರು ಸಲ್ಲಿಸಲಾಗಿದೆ. ಠಾಣೆಯ ಅಧಿಕಾರಿಗಳು ಮತ್ತು ಗ್ರಾಮ ಆಡಳಿತಾಧಿಕಾರಿ ರವಿಕುಮಾರ ಮಾನೆ ಭೇಟಿ ನೀಡಿ ಪರಿಶೀಲಿಸಿದರು. ನಷ್ಟಕ್ಕೊಳಗಾದ ರೈತರಿಗೆ ಪರಿಹಾರ ನೀಡಬೇಕು ಎಂದು ಅಖಿಲ ಭಾರತ ಕೋಲಿ ಸಮಾಜ ತಾಲ್ಲೂಕು ಘಟಕದ ಅಧ್ಯಕ್ಷ ಸುರೇಶ ಬಂಟಾ ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.