ಜಿಲ್ಲಾ ನ್ಯಾಯಾಲಯ ಶೀಲ್‌ಡೌನ್‌ 10ರವರೆಗೆ ಮುಂದುವರಿಕೆ

ಕಲಬುರ್ಗಿ: ಇಲ್ಲಿನ ಜಿಲ್ಲಾ ನ್ಯಾಯಾಲಯದಲ್ಲಿ ಕೆಲಸ ಮಾಡುವ ನಾಲ್ವರು ಸಿಬ್ಬಂದಿಗೂ ಕೋವಿಡ್‌ ಅಂಟಿಕೊಂಡ ಕಾರಣ, ನ್ಯಾಯಾಲಯದ ಶೀಲ್‌ಡೌನ್‌ ಅನ್ನು ಆ. 10ರವರೆಗೆ ಮುಂದುವರಿಸಲಾಗಿದೆ.‌

ಜಿಲ್ಲಾ ಮತ್ತು ಸೆಷನ್ಸ್‌ ನ್ಯಾಯಾಧೀಶರೊಬ್ಬರು ಜುಲೈ 31ರಂದು ನಿವೃತ್ತಿ ಹೊಂದಿದರು. ಮರುದಿನವೇ ಅಂದರೆ; ಆ. 1ರಂದು ಅವರಿಗೆ ಕೋವಿಡ್‌ ಸೋಂಕು ದೃಢಪಟ್ಟಿತ್ತು. ಕಾರಣ, ನ್ಯಾಯಾಲಯ ಆವರಣವನ್ನು ಪೂರ್ಣ ಶೀಲ್‌ಡೌನ್‌ ಮಾಡಲಾಗಿತ್ತು. ಅವರ ಬಳಿ ಕೆಲಸ ಮಾಡುತ್ತಿದ್ದ ಮತ್ತೆ ನಾಲ್ವರು ಸಿಬ್ಬಂದಿಗೂ ಪಾಸಿಟಿವ್ ಇರುವುದು ಗುರುವಾರ ದೃಢಪಟ್ಟಿದೆ.

ಹಾಗಾಗಿ, ಆ.7ರಿಂದ 10ರವರೆಗೆ ಕೂಡ ಯಾವುದೇ ಕಲಾಪಗಳು ನಡೆಯುವುದಿಲ್ಲ ಎಂದು ಮೂಲಗಳು ತಿಳಿಸಿವೆ.