ಎಲ್ಲೆಡೆಯೂ ಮಂಜು ಕವಿದ ವಾತಾವರಣ: ಬೆಳಗಾದರೂ ಕಾಣದ ರಸ್ತೆ

ಸೇಡಂ (ಕಲಬುರ್ಗಿ ಜಿಲ್ಲೆ): ಗುರುವಾರ ಬೆಳಗಿನ ಜಾವ ಆವರಿಸಿದ ಮಂಜಿನಿಂದಾಗಿ ಸೇಡಂನ ರಸ್ತೆಗಳು ಗೋಚರಿಸಲಿಲ್ಲ.

ಬೆಳಿಗ್ಗೆ 4 ಗಂಟೆಯಿಂದ ನಿರಂತರವಾಗಿ ಮಂಜಿನ ವಾತಾವರಣ ಮೂಡಿದ್ದು ಬೆಳಗಾದರೂ ಮಬ್ಬಿನ ವಾತಾವರಣ ಇಳಿಯಲಿಲ್ಲ.

3 ಗಂಟೆಗೂ ಅಧಿಕ ಕಾಲ ಮಂಜು ಕವಿದ ವಾತಾವರಣ ಸೃಷ್ಟಿಯಾಗಿತ್ತು.

ಹೊಗೆಯಂತೆ ಎಲ್ಲೆಡೆಯೂ ಗೋಚರಿಸುತ್ತಿದ್ದ ಇದು, ಬೆಳಗಿನ ವಾಯುವಿಹಾರಿಗಳಿಗೆ,ವಾಹನ ಸಂಚಾರರಿಗೆ ಹಾಗೂ ಪತ್ರಿಕಾ ವಿತರಕರಿಗೆ ಸೇರಿಸಂತೆ ಅನೇಕರಿಗೆ ತೊಂದರೆಯುಂಟಾಯಿತು. ಸೇಡಂನಲ್ಲಿ ಇದೇ ಮೊದಲ ಬಾರಿಗೆ ಇಷ್ಟೊಂದು ಮಬ್ಬು ಕವಿದ ವಾತಾವರಣ ನಿರ್ಮಾಣವಾಗಿದೆ ಎನ್ನುತ್ತಾರೆ ನಿವಾಸಿ ಶರಣಪ್ಪ.