ಬೀದಿ ನಾಯಿಗಳ ಹಾವಳಿ: ಬಾಲಕಿಗೆ ಗಂಭೀರ ಗಾಯ

ಕಲಬುರಗಿ: ನಗರದಲ್ಲಿ ನಾಯಿಗಳ ಹಾವಳಿ ಮುಂದುವರಿದಿದೆ. ನಗರದ ಖಂಡಾಲಾ ಗ್ರೌಂಡ್ ಸಮೀಪ ಭಾನುವಾರ ಸಂಜೆ ಬಾಲಕಿಗೆ ಮೂರು ನಾಯಿಗಳು ಕಚ್ಚಿ ಗಾಯಗೊಳಿಸಿವೆ.

ಮಿಲ್ಲತ್ ನಗರದ ನಿವಾಸಿ ವಾಹೀದ್ ಖುರೇಷಿ ಅವರ ಮಗಳು ನಿದಾ ಫಾತಿಮಾ (3) ಗಾಯಾಳು ಬಾಲಕಿ.

ನಿದಾ ಫಾತಿಮಾ ಸಂಜೆ ಮನೆಯಿಂದ ಹೊರಗೆ ಹೋಗುತ್ತಿದ್ದಂತೆಯೇ ಮೂರು ನಾಯಿಗಳು ದಾಳಿ ಮಾಡಿ ಕಚ್ಚಿ ಗಾಯಗೊಳಿಸಿವೆ. ಬಾಲಕಿಯನ್ನು ಕೂಡಲೇ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಮೂಲಗಳು ಹೇಳಿವೆ.

ವಿಷಯ ತಿಳಿದ ಮಹಾನಗರ ಪಾಲಿಕೆಯ ಆಯುಕ್ತ ಅವಿನಾಶ ಶಿಂದೆ ಅವರು ಆಸ್ಪತ್ರೆಗೆ ಭೇಟಿ ನೀಡಿ ಘಟನೆಯ ಮಾಹಿತಿ ಪಡೆದಿದ್ದಾರೆ.