ಕಾಳಗಿ: ‘ಬಾಲ್ಯವಿವಾಹ ನಿಷೇಧ ಸಾಮಾಜಿಕ ಅರಿವು ಕಾರ್ಯಕ್ರಮ’

ಕಾಳಗಿ: ತಾಲ್ಲೂಕಿನ ಬುಗಡಿ ತಾಂಡಾದಲ್ಲಿ ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ, ಅಶೋಕ ಲೇಲ್ಯಾಂಡ್ ಫೌಂಡೇಶನ್, ಲರ್ನಿಂಗ್ ಲಿಂಕ್ ಫೌಂಡೇಶನ್ ಹಾಗೂ ಅರಣಕಲ್ ಗ್ರಾಮ ಪಂಚಾಯಿತಿ ಸಹಯೋಗದಲ್ಲಿ ಬುಧವಾರ ರೋಡ್ ಟು ಸ್ಕೂಲ್ ಕಾರ್ಯಕ್ರಮ ಜರುಗಿತು.

ಅದರಡಿಯಲ್ಲಿ ‘ಬಾಲ್ಯವಿವಾಹ ನಿಷೇಧ ಸಾಮಾಜಿಕ ಅರಿವು’ ಉದ್ದೇಶಿಸಿ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಸುನೀತಾ ಮಾತನಾಡಿದರು.

ಎಲ್.ಎಲ್.ಎಫ್ ಸಂಸ್ಥೆಯ ಗಂಗಾಧರ ಸ್ವಾಗತಿಸಿ, ಪ್ರಾಸ್ತಾವಿಕವಾಗಿ ಮಾತನಾಡಿದರು. ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ನಾಗಮಣಿ, ಎಸ್ಡಿಎಂಸಿ ಅಧ್ಯಕ್ಷ ಹೇಮಂತ ಉಪಸ್ಥಿತರಿದ್ದರು. ಎಲ್.ಎಲ್.ಎಫ್ ಸಂಸ್ಥೆಯ ಸದಸ್ಯ ಪ್ರಮೋದ, ರೇಖಾ, ನಟರಾಜ್ ಸೇರಿದಂತೆ ಉದ್ಯೋಗ ಖಾತರಿ ಯೋಜನೆಯ ಕಾರ್ಮಿಕರು ಇದ್ದರು.

ಅದೇ ರೀತಿಯಾಗಿ ಅರಜಂಬಗಾ ಗ್ರಾಮದಲ್ಲಿಯೂ ಅರಿವು ಮೂಡಿಸಲಾಯಿತು.