ಮಡಿಕೇರಿ ನಗರಸಭೆ ವಿರುದ್ಧ ಕಾಂಗ್ರೆಸ್ ಪ್ರತಿಭಟನೆ

ಮಡಿಕೇರಿ: ನಗರದ ಅಭಿವೃದ್ಧಿ ಕೆಲಸಗಳ ಬಗ್ಗೆ ನಿರ್ಲಕ್ಷ್ಯ ಧೋರಣೆ ತಳೆದಿದೆ ಎಂದು ಆರೋಪಿಸಿ ಮಡಿಕೇರಿ ನಗರ ಕಾಂಗ್ರೆಸ್ ಸಮಿತಿ ಸದಸ್ಯರು ಸೋಮವಾರ ಪ್ರತಿಭಟನೆ ನಡೆಸಿದರು‌.

ಪಕ್ಷದ ಕಚೇರಿಯಿಂದ ನಗರಸಭೆಯವರೆಗೂ ಮೆರವಣಿಗೆ ನಡೆಸಿದ ಅವರು ಅಧಿಕಾರಿಗಳ ವಿರುದ್ಧ ಘೋಷಣೆ ಕೂಗಿದರು‌.

ಜನಸಾಮಾನ್ಯರ ಕೆಲಸದಲ್ಲಿ ವಿಳಂಬ ನೀತಿ, ಖಾತೆ ವರ್ಗಾವಣೆ, ಫಾರಂ ನಂಬರ್ 3 ಸಕಾಲಕ್ಕೆ ನೀಡದೆ ಸತಾಯಿಸಲಾಗುತ್ತಿದೆ. ಭ್ರಷ್ಟಾಚಾರ ವ್ಯಾಪಕವಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.