ಕುಶಾಲನಗರ: ಆಫ್ರಿಕನ್ ಹಂದಿ ಜ್ವರ ದೃಢ?

ಮಡಿಕೇರಿ: ಕುಶಾಲನಗರ ತಾಲ್ಲೂಕಿನ ಫಾರಂ ಒಂದರಲ್ಲಿ ಮಾತ್ರವೇ ಆಫ್ರಿಕನ್ ಹಂದಿ ಜ್ವರ ಪತ್ತೆಯಾಗಿದ್ದು, ಜಿಲ್ಲೆಯ ಬೇರೆಲ್ಲೂ ಈ ಪ್ರಕರಣಗಳು ದೃಢಪಟ್ಟಿಲ್ಲ ಎಂದು ಮೂಲಗಳು ತಿಳಿಸಿವೆ.

ಫಾರಂ ಒಂದರಲ್ಲಿ ಮಾತ್ರವೇ 52 ಹಂದಿಗಳು ಈ ಜ್ವರದಿಂದ ಮೃತಪಟ್ಟಿದ್ದವು. ಈ ಫಾರಂ ಅನ್ನು ಸದ್ಯ ಮುಚ್ಚಲಾಗಿದೆ. ಇನ್ನುಳಿದಂತೆ ಬೇರೆಲ್ಲೂ ಈ ಕಾಯಿಲೆ ಕಂಡು ಬಂದಿಲ್ಲ. ಇದು ಕೇವಲ ಹಂದಿಗಳಲ್ಲಿ ಮಾತ್ರವೇ ಕಂಡು ಬರುವಂತಹ ಕಾಯಿಲೆಯಾಗಿದ್ದು, ಇದು ಮನುಷ್ಯರಿಗೆ ಅಥವಾ ಇತರ ಪ್ರಾಣಿಗಳಿಗೆ ಹರಡುವುದಿಲ್ಲ ಎಂದು ಪಶುಪಾಲನಾ ಇಲಾಖೆಯ ಮೂಲಗಳು ಖಚಿತಪಡಿಸಿವೆ. 

ಇಲಾಖೆ ಇನ್ನೂ ಆಫ್ರಿಕನ್‌ ಹಂದಿ ಜ್ವರ ಪತ್ತೆಯಾಗಿರುವ ಕುರಿತು ಘೋಷಿಸಿಲ್ಲ.