Karnataka Rains: ಕೊಡಗಿಗೆ ಇಂದು ಎಲ್ಲೊ ಅಲರ್ಟ್

ಮಡಿಕೇರಿ: ಕೊಡಗು ಜಿಲ್ಲೆಗೆ ಭಾರಿ ಮಳೆ ಬೀಳುವ ಮುನ್ಸೂಚನೆ ನೀಡಿರುವ ಹವಾಮಾನ ಇಲಾಖೆಯು ಜುಲೈ 21ರ ಬೆಳಿಗ್ಗೆ 8.30ರವರೆಗೂ ಆರೆಂಜ್ ಅಲರ್ಟ್ ನೀಡಿದೆ. ಆ ನಂತರ, ಎಲ್ಲೊ ಅಲರ್ಟ್ ನೀಡಿದೆ.

ಇದುವರೆಗೂ ಕಳೆದ ಕೆಲವು ದಿನಗಳಿಂದ ಜಿಲ್ಲೆಗೆ ಅತಿ ಭಾರಿ ಮಳೆ ಬೀಳುವ ರೆಡ್ ಅಲರ್ಟ್ ಹಾಗೂ ಭಾರಿ ಮಳೆ ಬೀಳುವ ಆರೆಂಜ್ ಅಲರ್ಟ್‌ ನೀಡಲಾಗುತ್ತಿತ್ತು. ಸದ್ಯ, ಎಲ್ಲೊ ಅಲರ್ಟ್ ನೀಡಿರುವುದರಿಂದ ಮಳೆಯ ಪ್ರಮಾಣ ಇಳಿಕೆಯಾಗುವ ನಿರೀಕ್ಷೆ ಮೂಡಿದೆ. ಆದಾಗ್ಯೂ, ಹವಾಮಾನ ಇಲಾಖೆ ಅಲ್ಲಲ್ಲಿ ಕೆಲವೆಡೆ ಭಾರಿ ಮಳೆ ಬೀಳಲಿದೆ ಎಂಬ ಮುನ್ನಚ್ಚರಿಕೆಯನ್ನೂ ನೀಡಿದೆ.